Elder David P. Homer

Fitugafulu a le Au Pulega Aoao

O se tasi o uluai manatuaga o Elder David P. Homer e faatatau i le talalelei o le tofia lea i le 14 o ona tausaga e avea ma se soa o faiaoga o aiga i se tagata o lana sa “ia faaaoaoina se faiga tulaga ese i faiaoga o aiga,” na saunoa ai Elder Homer. “Sa le o se o i le fale ma talanoa ma asiasi i tagata, ae o le auauna atu i o latou manaoga.”

I le avea ai o se soa, la te tatalo mo ma talanoa e uiga i aiga ua tofi i ai i la’ua, e le o se tagata matua i se talavou ae o se taaga i le galuega faaleperisitua. “Sa ou aoaoina ai e faapea e oo mai le Agaga faatasi ma, ma e mafuta ma le auaunaga,” sa saunoa ai Elder Homer.

O lena lesona na mau pipii ma ia i lona soifuaga atoa ma le auauanga na sosoo ai i le Ekalesia, pe o le avea o se Fitugafulu Eria, taitai o le vasega pepe, po o le tagata faapitoa mo laupapa e faapipii ai faasalalauga—o se valaauga na ia faataunuuina ao nonofo ai i la’ua ma lona faletua i Melepone, Ausetalia.

Na soifua mai David Paul Homer i le aso 25 Aperila, 1961 i le Aai o Sate Leki, Iuta ISA, ia Frederick ma Phyllis LeNila Homer. Ina ua mavae lana misiona i Hong Kong mai le 1980 i le 1982, sa la feiloai ma Nancy Dransfield, o se sa faauu mai le Iunivesite o Polika Iaga, i se faeasaite a le inisitituti i le Aai o Sate Leki, lea sa faigaluega ai o ia ma ave ana vasega i le Iunivesite o Iuta. Sa la faaipoipo i le Malumalu o Sate Leki i le aso 31 Iulai, 1984. Sa la tausia se fanau teine e toalima ma se atalii.

Sa maua e Elder Homer se tikeri o le tagata malaga [BA] mai le Iunivesite o Iuta ma se tikeri o le matuaofaiva i le pulega o pisinisi mai le Wharton School o le Iunivesite o Penisilevania.

I le 30 tausaga o lana matata o se faatonusili i le General Mills, sa nonofo o ia ma lona faletua i Miami, Florida, ISA; Minneapolis, Minesota, ISA; Burlington, Ontario, Kanata; ma Saint-sulpice, Vaud, Suitiselani.

Sa avea Elder Homer o se peresitene o le siteki, epikopo, peresitene o le korama a toeaina, ma se failautusi faapitoa a le uarota. I le avea ai ma Fitugafulu Eria, sa amata lana auauanga i Kanata ma faaauau atu ai i Europa, lea na ia auauna ai mo le fa tausaga talu ai a o lei lagolagoina e avea ma Fitugafulu o le Pulega Aoao i le aso 31 Mati, 2018.