ក្លឹបអាន ព្រះគម្ពីរមរមន
សូមចូលរួម តាមរយៈការអានព្រះគម្ពីរមរមន ! អ្នកអាចអានដោយខ្លួនឯង ជាមួយក្រុមគ្រួសាររបស់អ្នក ឬជាមួយមិត្តភក្តិ ។ បន្ទាប់មក សូមផ្ញើរូបថតមួយដែលអ្នកកំពុងអានព្រះគម្ពីរមរមន ហើយប្រាប់យើងអំពីអ្វីដែលអ្នកបានរៀន ឬខគម្ពីរដែលអ្នកចូលចិត្តមកពីព្រះគម្ពីរមរមន ។ សូមផ្ញើវាតាមរយៈគេហទំព័រ liahona.lds.org ( សូមចុចលើ « Submit an Article » ) ។
បទគម្ពីរសម្រាប់ខែនេះ ៖ ហេលេមិន ៥:១២
« ចូរចងចាំចុះ ចូរចងចាំចុះថា គឺនៅលើសិលានៃព្រះដ៏ប្រោសលោះនៃយើង គឺព្រះគ្រីស្ទជាព្រះរាជបុត្រានៃព្រះ ដែលកូនត្រូវសង់គ្រឹះរបស់កូន » ។
ក្រុមគ្រួសាររបស់ខ្ញុំកំពុងអានព្រះគម្ពីរមរមន ។ ជួនកាលយើងដើរតួសម្តែងរឿងទាំងនោះ ។ ការធ្វើបែបនេះពិតជាសប្បាយណាស់ ។ ខ្ញុំរៀនពាក្យ និងអ្វីថ្មីៗជាប្រចាំថ្ងៃ ។ ការធ្វើកិច្ចការទាំងនេះជួយខ្ញុំឲ្យបន្តផ្តោតលើការប្រជុំសាក្រាម៉ង់ និងថ្នាក់អង្គការបឋមសិក្សា ។ វាក៏ជួយខ្ញុំឲ្យបន្តមានភាពស្និទ្ធស្នាលជាមួយគ្រួសាររបស់ខ្ញុំផងដែរ ។
អ៊ិន អាំម៉ារ៉ុន អាយុ ៧ ឆ្នាំ ទីក្រុង ភ្នំពេញ ប្រទេស កម្ពុជា
ខ្ញុំចូលចិត្តអានព្រះគម្ពីរមរមនចាប់តាំងពីអ្នកផ្សព្វផ្សាយសាសនាបានណែនាំឲ្យយើងស្គាល់គម្ពីរនេះ ។ រឿងព្រះគម្ពីរដែលខ្ញុំចូលចិត្តគឺនៅក្នុងគម្ពីរម៉ូសាយ ពេលស្តេចបេនយ៉ាមីនបានដឹកនាំប្រជាជនរបស់ទ្រង់ដោយសេចក្តីជំនឿរបស់ទ្រង់ ។ ខ្ញុំចង់មានចិត្តស្មោះត្រង់ និងគោរពប្រតិបត្តិតាមអ្វីដែលឪពុកម្តាយរបស់ខ្ញុំស្នើឲ្យខ្ញុំធ្វើ ។
ចានីស អេស អាយុ ១០ ឆ្នាំ ទីក្រុង អ៊ីឡយឡូ ប្រទេស ហ្វីលីពីន