លុះត្រាជួបទៀត
ព្រះគម្ពីរមរមននាំមកនូវភាពរីកចម្រើនយ៉ាងមហិមា
ដកស្រង់មកពី « The Book of Mormon — Keystone of Our Religion » Ensign ខែ វិច្ឆិកា ឆ្នាំ ១៩៨៦ ទំព័រ ៤–៧ ។
មានអំណាចមួយនៅក្នុងព្រះគម្ពីរដែលនឹងចាប់ផ្ដើមហូរចូលមកក្នុងជីវិតរបស់អ្នក ពេលអ្នកចាប់ផ្ដើមសិក្សាដោយហ្មត់ចត់ ។
រចនារូបភាពដោយ ប៊ីជន ធ័រគេលសិន
តើពុំមានអ្វីដែលនៅក្នុងដក់ដួងចិត្តរបស់យើងដើម្បីទាញយើងឲ្យខិតជិតព្រះ ដើម្បីឲ្យប្រែក្លាយកាន់តែដូចទ្រង់នៅក្នុងជីវិតប្រចាំថ្ងៃរបស់យើង ដើម្បីទទួលបាននូវអារម្មណ៍ថា មានវត្តមានរបស់ទ្រង់នៅមួយនឹងយើងជាប់ជានិច្ចទេឬ ? បើសិនជាគ្មានទេ នោះព្រះគម្ពីរមរមននឹងជួយយើងឲ្យចូលកាន់តែជិតព្រះបានច្រើនជាងគម្ពីរដទៃផ្សេងទៀតទាំងអស់ ។
ព្រះគម្ពីរមរមនពុំគ្រាន់តែបង្រៀនយើងអំពីសេចក្ដីពិតនោះទេ តែវាជាសេចក្ដីពិតនោះហើយ ។ ព្រះគម្ពីរមរមនពុំគ្រាន់តែថ្លែងទីបន្ទាល់អំពីព្រះគ្រីស្ទប៉ុណ្ណោះនោះទេ តែវាជាទីបន្ទាល់ផងដែរ ។ ប៉ុន្តែវាមានអ្វីៗជាច្រើនទៀត ។ មានអំណាចមួយនៅក្នុងព្រះគម្ពីរដែលនឹងចាប់ផ្ដើមហូរចូលមកក្នុងជីវិតរបស់អ្នក ពេលអ្នកចាប់ផ្ដើមសិក្សាដោយហ្មត់ចត់អំពីព្រះគម្ពីរនេះ ។ អ្នកនឹងរកឃើញអំណាចកាន់តែមហិមា ដើម្បីទប់ទល់នឹងការល្បួង ។ អ្នកនឹងរកឃើញអំណាច ដើម្បីចៀសផុតពីការបោកបញ្ឆោត ។ អ្នកនឹងរកឃើញអំណាចដើម្បីឈរនៅលើផ្លូវតូច និងចង្អៀត ។ ខគម្ពីរហៅថា « ព្រះបន្ទូលទាំងឡាយខាងជីវិត » ( គ. និង ស. ៨៤:៨៥ ) ហើយគ្មានព្រះគម្ពីរណាទៀតដែលពិតជាងព្រះគម្ពីរមរមនឡើយ ។ នៅពេលអ្នកចាប់ផ្តើមស្រេកឃ្លាននូវព្រះបន្ទូលទាំងនោះ អ្នកនឹងឃើញថា ជីវិតនឹងកាន់តែមានភាពរីកចម្រើនយ៉ាងមហិមា ។ …
ការសន្យាទាំងនេះ — បានបង្កើនសេចក្តីស្រឡាញ់ និងភាពចុះសម្រុងគ្នានៅក្នុងផ្ទះ ការគោរពគ្នាដ៏អស្ចារ្យរវាងឪពុកម្តាយ និងកូនៗ ជួយបង្កើនជីវភាពខាងវិញ្ញាណ និងសេចក្តីសុចរិត — គឺមិនមែនជាការសន្យាដែលគ្មានប្រយោជន៍ឡើយ ប៉ុន្តែពិតដូចអ្វីដែលព្យាការីយ៉ូសែប ស្ម៊ីធបានបញ្ជាក់នៅពេលលោកមានប្រសាសន៍ថា ព្រះគម្ពីរមរមននឹងជួយយើងឲ្យខិតកាន់តែជិតព្រះ ។ …
ដប់ឆ្នាំជាងបានកន្លងផុតទៅហើយ ខ្ញុំបានថ្លែងដូចខាងក្រោមអំពីព្រះគម្ពីរមរមន ៖
« តើលទ្ធផលដ៏អស់កល្បជានិច្ចស្ថិតនៅលើការអនុវត្តរបស់អ្នកតាមព្រះគម្ពីរនេះដែរឬទេ ? ពិតមែនហើយ មិនថាចំពោះពរជ័យរបស់យើង ឬការដាក់ទោសរបស់យើងនោះទេ ។
ពួកបរិសុទ្ធថ្ងៃចុងក្រោយគ្រប់រូបគួរតែខិតខំធ្វើការសិក្សាព្រះគម្ពីរមរមនពេញមួយជីវិត ។ បើពុំដូច្នោះទេ គាត់នឹងដាក់ព្រលឹងគាត់ទៅក្នុងគ្រោះថ្នាក់ ហើយធ្វេសប្រហែសនឹងការណ៍ដែលអាចផ្តល់ឲ្យមានភាពត្រូវគ្នាខាងវិញ្ញាណ និងបញ្ញារួមគ្នាមកក្នុងជីវិតគាត់ទាំងមូល ។ មានភាពខុសគ្នាមួយរវាងអ្នកប្រែចិត្តជឿដែលសាងសង់លើថ្មនៃព្រះគ្រីស្ទតាមរយៈព្រះគម្ពីរមរមន ហើយកាន់ខ្ជាប់ដំបងដែកនោះ និងអ្នកដែលមិនធ្វើតាមនេះ » ។
… សូមយើងកុំនៅក្រោមការដាក់ទោស … ដោយការមិនសូវយកចិត្តទុកដាក់នឹងអំណោយទានដ៏អស្ចារ្យ និងមហិមានេះទុកជាគ្មានផលប្រយោជន៍នោះឡើយ ។ ផ្ទុយទៅវិញ ចូរយើងយកឈ្នះលើការសន្យាទាំងឡាយ ដែលភ្ជាប់ជាមួយនឹងទ្រព្យសម្បត្តិដែលបានកប់ទុកក្នុងចិត្តរបស់យើង ។