Takaruaean Otanna

E kanakoaki iroun Beretitenti Russell M. Nelson

Beretitenti n ana Ekaretia Iesu Kristo ibukiia Aika a Itiaki ni Boong Aika Kaitira

Ngkai tariu ao mwaneu, ngkai ti kauringa ana Moan Mii ni Burabeti Iotebwa Timiti ibukin te Tama ao te Nati, ti namakinna bwa e na riai bwa ti na uaia ni kimwarerei ni kabane n ira Takaruaean Otanna.

Te takarua ae tabu e moan karaoaki n te tai aei ni katabuan te Tembora i Kirtland ni Maati 27, 1836. E karaoaki ngkai ni katabuan tembora n tatabeua nako. Bon kaotan te karinerine ae tabu nakon te Tama ao te Nati, e kanikinaea aia kaeka aomata ni kabane ngke e rin n tokanikai te Uea I Ierutarem. E manga kamatoa te bwai are e rinanona Iotebwa n te bong anne n te Buakonikai ae Tabu—bwa, te Tama ao te Nati bon uoman Aomata aika a mimitong ae ti na taromauriia man neboia.

N na kabwarabwara ngkai aron Takaruaen Otanna ae Tabu. Ngkana I karaoia, I kaoiia raora nako n taabo ni kanako bwanaa bwa a na taraa te mwakuri ae tabu aei ma te karinerine ae bati.

Temanna ma temanna ake a raoniira e na anaa te kawere ae itiaki ae mainaina, taua man te koona teuana, ao ioia ao atonga ni kabane ae kangai, “Otanna, Otanna, Otanna nakon te Atua ao te Tiibu te Teei,” kaokia teniua te tai, n rimwiaki ma te Amen, Amen ao Amen,” Ma ngkana akea am kawere, ko kona n tii katiotioa baim.

Tariu ao mwaneu, I kaoiingkami ngkai bwa kam na teirake ao n raoniira n Takaruaean Otanna ae Tabu, ao imwiina bon “Anenen Otanna” ao “Tamnein te Atua”¹ a na aneneaki.

Man te kanikina mairoun te tia orotai, taiaoka n anenea “Tamnein te Atua”

Otanna, Otanna, Otanna nakon te Atua ao te Tiibutetei.
Otanna, Otanna, Otanna nakon te Atua ao te Tiibutetei.
Otanna, Otanna, Otanna nakon te Atua ao te Tiibutetei.
Amen, Amen, ao Amen.