Steven J. Lund

Beretitenti ni Kabuta n te Bootaki n Ataeinimwaane

Ngkae e riki bwa te Beretitenti ni Kabuta n te Bootaki n Ataeinimwaane, e butimwaea te tibwanga ae tabu Beretitenti Steven J. Lund ni buoka kairakiia tebubua tengaa te Nakoanibonga ae te Aaron–ataeimwaane aika ikawai n te Ekaretia n te aonaaba ni kabuta.

Ngkana arona bwa e na kona n reke angan te kaitiboaki temanna imwiin temanna ma ngaiia n tatabemaniia, e ataia raoi te bwai are e na taekinna: “N riki bwa te membwa ae nakoraoi ni uean te Atua e bon aki kangaanga. Tamara are i Karawa e tangiriko. Ko riai ni kaoka naba aron tangirana. Ao ngkana ti karaoa anne, ti na bon kamanoaki ao ni kukurei. … Maiura a na rangi ni bongana n iai nanona.”

N tauan te aro n aki manikangare e aki riki tii n te Tabati. Bon te tibwanga ni katoa bong, ni kaineti ma te rooia are e bita te mwakuri ni kakoroa nanon te moti.

“Warekan koroboki aika tabu, te nanako n taromauri, te rairannano n te tai ae waekoa ngkana a bure kawaira, kaukan wiira, ao n riki bwa te katooto ibukin te euangkerio—bwa bon anne ana baire Tamara are i Karawa,” e taku.

Te Tari Lund e bungiaki n Okitobwa 30, 1953, irouia Jay ao Toy Ellen Lund ao n ni kaai n ikawairake i California Meang (Santa Rosa) ao California Maiaki (Long Beach), USA. Ana mwakuri n ana taanga ni buaka U.S. Army e a uotia nako Europe, te kaontenanti are e a reke tangirana irouna n ana tai ni mwakuri i Netherlands Amsterdam Mition.

Imwiin mwakurina n te taanga ni buaka, e rin n te reirei ae Brigham Young Iuniwetiri, ike e a reitaki iai ma Kalleen Kirk, te ataeinnaine are e a moanna ni kinaa inanon mwiokoana n tikuna ni mwakuri i Tiaman. Steven ao Kallen a mareaki i Salt Lake Tembora n Aokati 8, 1980. Boni kaaro ae aman natiia.

Imwiin reken ana tikurii ibukin te tua i BYU, te Tari Lund e mwakuri bwa te rooia imwaain ae e riki bwa te beretitenti ao te CEO ibukin Nu Skin Enterprises. N te tai aei ao e riki bwa te tia babaire ni kakoroi moti n te kambwana n aia baba n tararua tarekita. E a tia n riki bwa te tia tararua Utah Tititem n Reirei ake a Rietaata.

Te Tari Lund e a tia ni mwakuri bwa te beretitenti i Georgia Atlanta Mition ao n riki bwa te kouoteneita ni Komete ibukin Katabuan Provo City Center Tembora. E a tia naba ni mwakuri n riki bwa te membwa n te baba ni kabuta n te Bootaki n Ataeinimwaane ao n riki bwa te Itingaun n te Aono.