Unimwaane Jorge T. Becerra

Mataniwi ni Kabuta n te Itingaun

Jorge T. Becerra e mamaama ao e kabuingoingo inanon rikirakena, ma ana beretitenti n te mition e anganna tibwangana bwa e na kairiiri. Jorge e a oki nakon mweengana mai California Arcadia Mition ma nanona ni kan kabaeaki n ana mwakuri te Uea ibukin maiuna ae bwanin.

Angiin riki tibwanga ni kairiiri a roko n te tai ae waekoa n ae aki kantaningaaki. N ana ririki ae 27, e weteaki bwa kaain te bitiobiriki. N ana ririki ae 32, e weteaki bwa te bitiobi. N te moantai e namakinna bwa e aki tau ngke a kawaria aomata ma aia kangaanga.

“Akea au iango bwa tera ae N na karaoia,” e tuanga tamana.

Ana kaeka tamana e reiakinaki iai te reirei ae moan te mwaakaroiroi, ni kauringaki n onimakinana iroun ana beretitenti n te mition, ao ni buoka katauraoana ibukin nakoana ni kairiiri n taai aika a na roko, n raonaki ma nakoana ae te beretitenti n te titeiki n ana ririki ae 37.

“E taku tamau, ‘Natiu te mwaane, iraua ana ririki te Tamnei ae Raoiroi?’” E uringnga Unimwaane Becerra. “Bon anne te tai n reirei ae moan te tamaroa ibukina ngkai I ataia bwa I kona ni karaoi bwaai nako ake e tuangai te Uea bwa N na karaoi.”

E teimatoa n tiku te reirei anne iroun Unimwaane Becerrea rinanon ririki aika a mwaiti n ana mwakuri are e bane nanona iai n ana Ekaretia Iesu Kristo ibukiia Aika Itiaki ni Boong aika Kaitira.

Jorge Eduardo Torres Becerra e bungiaki n Ritembwa n 18, 1962, irouia Juan C. Becerra ao Celia T. Becerra i Salt Lake City, Utah, USA, n te tabo are e ikawairake iai.

Imwiin karaoan ana mwakuri ni mitinare ae bwanin-taina, Unimwaane Becerra e mareaki ma Debbie Ilene Schneberger i Salt Lake Tembora n Aokati 10, 1984. Boni kaaro ae aman natiia.

Unimwaane Becerra e reke ana tikuri ibukin kamatebwai ni kabuta man te Iuniwetiri i Utah ao te associate of arts degree n taekan kawakinan te mwane mai Salt Lake Community College. E kamatebwaia naba taekan te bitineti n te Iuniwetiri i Phoenix. N 1998 e buokanibwai ma Allegis Advisor Group, te aetuwaiti n te kambwana ibukin taekan te mwane. N te tai are e weteaki iai bwa te Mataniwi ni Kabuta n te Itingaun, e riki ngaia bwa te aetuwaitia n te karinimwane ibukin Intermountain Financial Partners.

Unimwaane Becerra e a tia ni beku bwa te beretitenti n te Bootaki n Ataeinimwaane n te uoote, te kauntira n te beretitentii n te mition, te kauntira n te beretitentii n te mwaanga, te tia reirei n tieminari, te kauntira n te bitiobiriki, bitiobi, te beretitenti n te titeiki, ao te beretitenti i California Arcadia Mition. Inanon ana tai ni weteaki, e beku bwa te Itingaun n te Aono.