2020
Baika a Rine Tarakiia n te ka 190 ni Maungatabu ni Kabuta n te Ririki
Meei 2020

Baika a Rine Tarakiia n te ka 190 ni Maungatabu ni Kabuta n te Ririki

Beretitenti Russell M. Nelson iai ana rongorongo ae moan te mataata n te maungatabu ni kabuta: “Ongo Irouna.”

“Ti na ukeuke, n anga nako ake ti kona, n ongo iroun Iesu Kristo, are e taetae nakoira rinanon mwaakan ao ana ibuobuoki te Tamnei ae Raoiroi,” e reirei Beretitenti Nelson.

Te kantaninga ibukin aei ao ni kabane maungatabu ni kabuta bwa a na buokira n ongo Irouna” (iteraniba 7).

N te maungatabu are e boboto iaon te Moan Kaotioti ao Kaokan Bwai, ti reireinaki bwa ti kona n ongo Irouna, n aron naba are e karaoia Iotebwa Timiti n te Buakonikai ae Tabu. Ni katobibiaki mai imwiin te aoraki are e butinako ni kabuta te aonaaba are a rootaki iai mirion aomata, ti reireinaki bwa ti na ongo Irouna ibukin kawakinara inanon ara tai ni kangaanga. Ni waaki nako n tarai kanoan taai aika a na roko aika kakukurei ibukin te Ekaretia ao ibukira n tatabemaniira aika aomata, ti reireinaki bwa ti na kabooui ara konabwai n ongo Irouna ao n Iriiria.

Mwakuri n anainano aika mwaiti n Eberi 2020 n te maungatabu ae,” e taku Beretitenti Nelson, “… e kona ni kauarerekeaki man uoua taeka aika tabu: “Ongo Irouna.’ Ti tataro bwa kabotoan ami iango iaon Tamara are i Karawa, are e atong taeka akanne, ao iaon Natina te Tatangiraki, Iesu Kristo, baika a na ururingaki aika moan te kakawaki ibuakon aika kaotaki.”

Ngkai ko kamatebwai rongorongon te maungatabu aei ao ukeuke n “n ongo, ni kakauongo nakon, ao ni mutiakin ana taeka te Tia Kamaiu,” ko na karekea ana berita te burabeti ni kakoroaki nanona inanon maium ni “kanakoa te maaku ao ni karikirakea te onimaki” (iteraniba 114).

  • Beretitenti Nelson e kabwarabwara te kanikina ae boou ibukin te Ekaretia n iteraniba 73.

  • Beretitenti Nelson e kabwarabwara te katanoata iaon Kaokan Bwai n te iteraniba 91.

  • Beretitenti Nelson e kaira te bootaki n taromauri ni kabuta te aonaaba n te iteraniba 92.

  • Beretitenti Nelson e katanoatai waniua tembora aika boou n te iteraniba 115.

  • Reiakina riki rongorongona bwa ti na kanga ni buokiia tabeman #HearHim at HearHim.ChurchofJesusChrist.org.