Ahmad S. Corbitt

Te Moan Kauntira n te Beretitentii ni Kabuta n te Bootaki n Ataeinimwaane

Ahmad S. Corbitt, 57, e bungiaki n Aokati n 1962 nakoia James Earl Corbitt ao Amelia Corbitt. A kainnano te utu aei ao a maeka n ana auti ni karikirake Philadelphia, Pennsylvania, USA, ni katobibiaki irouia taan kakiriwe ao te kaeng n iowawa. E bon aki mano te mwamwananga man te maeka teuana nakon te maeka teuana.

Ma ana namakin tinana n te maiu n tamnei e kairiia 10 natina ao e kawakiniia raoi ni kamanoia. E ataia bwa nningai are a riai n otinako n takakaro natina ao nningai are a riai n tiku iai inanon te auti.

Bon man te namakin n tamnei anne are imwiina ao e a reke angan kaoaia mitinare man Ana Ekaretia Iesu Kristo ibukiia Aika Itiaki ni Boong aika Kaitira. N angiin ana tai ngke te ataeinimwaane ao ngke te kairake, Ahmad ao ana utu a taromauri ma Aba n te Aro n Islam, ao imwiina e bwabetitoaki n riki bwa te Borotetanti. Ma n te tai aei e namakina tangirakina irouia kaain te aba aika taan taromauri irouia Aika Itiaki.

Tinana ao tabeman tarina ma mwaanea a bwabetitoaki n te namwakaina are imwiina. N Aokati 16, 1980, n ana ka 18 n ririki, Ahmad e ruo naba n te ran ni bwabetito. Tamana te kauaei, ae Henry Brandford Campbell, e kaaina te Ekaretia n te ririki are imwiina.

“Bon tiaki raoi ibukin rongorongora,” e taku. “Bon ibukin rongorongon te Atua ao te bwai are E tangiria bwa ti na karaoia. Ti tauraoi n nanorinano ao ni karenaira ma aomata. E kairiira inanon kawaira.”

Imwiin reireina i Ricks College ao ni beku i Puerto Rico San Juan Mition man 1982 nakon 1984, e kaitibo ma Jayne Joslin n tain mwanangaia nakon te tembora kairake n ikawai aika tuai ni iein. Te taanga aei a mareaki n Aokati 24, 1985, i Washington D.C. Tembora ao boni kaaro ae onoman natiia.

Ruaiwa te ririki imwiina, e mwamwakuri n te ngaina ao n nanako n reirei n te tairiki, e reke ana tikuri man Te Richard Stockton College i New Jersey ao Rutgers Iuniwetiri iaon te Reirei n te Tua.

E a tia ni beku bwa te kauntira n te beretitentii n te titeiki, te beretitenti n te titeiki, kauntira ae rietaata, te beretitenti i Dominican Republic Santo Domingo East Mition.

Te Tari Corbitt e mwakuri bwa te rooia, n irekereke ma te botanaomata ao bootaki ao e riki bwa te tarekita n Aobitin te Ekaretia i New York n Ana Bwai te Botanaomata ao Kaain te aba. E mwakuri ngkai n ana Tabo n Tararua te Ekaretia ibukiia Mitinare.