Unimwaane William K. Jackson

Mataniwi ni Kabuta n te Itingaun

Imwiin 23 te ririki ngke e riki bwa te aobitia n te tabo ni kuakua n ana Tabo ni Mwakuri U. S. ibukin Aba Itinaniku, William K. Jackson e tuangaki bwa e na tibwaua 20 ana taneiai aika rianako ake e rinanona inanon ana tai ni maeka ao ni mwakuri ni mwakoron aba n te aonaaba aika karako rikirakeia.

Ngkai e tabe n iangoa raoi te bubuti anne imwaain bukamaruan ana tai n riitaea, e kunea bwa 20 taneiai aika rianako ake e rinanona a irekereke ma te Ekaretia- ke n irekereke ma ana utu,” e taku.

William King Jackson e bungiaki ni Maati 29, 1956, i Washington, D.C., USA, irouia E. William ao Lois Andrey Jackson. E ikawairake i Ojai, California, USA, ma ibukin aia anganano ana karo ni mwakuri, e a reirei naba i Honduras, Algeria, ao Afghanistan.

Imwiin karaoan ana mwakuri ni mitinare i Bolivia La Paz Mition, Unimwaane Jackson e kaitibo ma Ann Kesler n te tiamwa n 1977.

“Bon te tangira n te moan itaramata irou,” e taku. “I kabongana nikiran te tiamwa anne ni kataia n anaa nanona bwa boni Ngai are e kakaea.”

A mareaki n Ritembwa 29, 1977, n te Tembora, i Los Angeles California Tembora. Boni kaaro aika waniman natiia, teniman aika tabekaki—mai India, Nepal, ao Cambodia.

Unimwaane Jackson e reirei Brigham Young Iuniwetiri, e reke ana baetura tikurii n te tiaeanti man te Iuniwetiri i California, Berkeley, ao n reke ana beeba n taokita ibukin bwainaoraki man te Iuniwetiri i California, San Francisco, n 1983.

Imwiin tikuna ni mwakuri n te tabo ni kuakua, a mwakuri itinaniku ibukin 26 te ririki. Angiin ana mwakuri ngke e riki bwa te tarekita n tabo ni kuakua ibukin Valley Family Health Care, n taabo iaon Idaho ao Oregon, USA.

Ngke a maeka itinanikun te United States, ngaia ma Titita Jackson a bane angiin aia tai ibuakoia kaain te moan-roro aika membwa n te Ekaretia.

“Teuana mwakoron au koaua ae te kabanea ni bubura bon tarataraan te euangkerio bwa tera are e karaoia nakoia aomata aika ti tangiriia,” e taku. “E bon bitiia.”

Unimwaane Jackson e beku bwa te Itingaun n te Aono, te beretitenti i India New Delhi Mition, te beretitenti n te Bootaki n Ataeinimwaane n te mwaanga, te tia reirei n te intitute, ao te tia reirei n Reirein te Euuangkerio. N ana tai ni weteaki are e a riki bwa te Mataniwi ni Kabuta n te Itingaun, e mwakuri bwa te bitiobi.