Unimwaane Thierry K. Mutombo

Mataniwi ni Kabuta n te Itingau

Unimwaane Thierry K. Mutombo e matoatoa ana koaua n te euangkerio ngke e roko ana reta bwa e na nako ni mitinare. E bwabetitoaki ma ana utu ngke e koro 10 ana ririki, e a tia ni kakoaua mwaakaroiroin te euangkerio ni bitiia ana utu.

Ma e ngae ngkae e katauraoi ibukin nakona ni mitinare i Côte d’Ivoire Abidjan Mition, e tuai matoa ana koaua n ana Boki Moomon. E bon tuai man wawarekia mai imwaaina.

Ana bitiobi Thierry ae kairaki iroun te tamnei e anganna te kakaewenako bwa e na wareka ana Boki Moomon ni katoa bong imwaain nakona ni mitinare. E ngae n angan Thierry kiingin ana autinibootaki te ekaretia bwa e aonga ni kona ni kamatebwai ma te rau.

Thierry e wareware ni katoa bong ibukin teniua namwakaina. Man te tai are e roko iai n te tabo ni mitinare, e aki tii karekea ana koaua ae matoa ibukin ana Boki Moomon, ma e rikirakea naba anuana ni kamatebwai are e buokia n riki bwa te mitinare.

“Te bwai ni mwakuri ae moan te korakora are ti karekea ni kairiia aomata nakon ootan te euangkerio ao ni boboota Iteraera ae uamaenako bon ana Boki Moomonn,” e taku.

Thierry Kasuangi Mutombo e bungiaki i Kinshasa, Democratic Republic i Congo, n Tianuare 31, 1976, irouia Antoine Kasuangi Mutombo a Marie Therese Matsanga Mutombo. E mare ma Tshayi Nathalie Sinda n te tua n Nobembwa 29, 2002. A kabaeaki imwiina i Johannesburg South Africa Tembora n Nobembwa 19, 2004. Iai natiia aika onoman.

Unimwaane Mutombo e bane ana tai man te reirei n 2010 man te Iuniwetiri ae Cepromad ma ana tikurii n tararuan te bitineti ao n 2012 ma ana baetura tikurii ibukin tararuakiia taan mwakuri. E mwakuri ibukin te Ekaretia n te Democratic Republic i Congo n riki bwa te manatia ibukin Rongorongon te Utu ao Tararuakiia Taan Mwakuri ao n riki bwa te tubwawaitia n Tararuakin Bwain te Tabo ni Mwakuri.

N tai are e weteaki iai n riki bwa te Mataniwi ni Kabuta n te Itingaun, Unimwaane Mutombo e mwakuri bwa te beretitenti i Maryland Baltimore Mition. Mai imwaaina ao e mwakuri bwa te beretitenti n te titeiki, te kauntira n te beretitentii n te titeiki, te mataniwi n te mition ibukin te uoote, te tia reirei n te Reirei n Tabati, ao te tia koroboki ni kakoroi mooti n te titeiki.