Nakomai, Iriirai

Kamatebwai man te Maungatabu ni Kabuta

Aia reirei burabeti aika a maiu ao taan kairiiri n te Ekaretia ni kabuta ake tabeman a katauraoi kairi mai karawa ngkai ti ukeuke n ira ana mwakuri te Uea. N te kauoua ao te kaua n Tabati ni katoa namwakaina, beretitentii n te kooram ao te Bootaki n Aine a rinei rongorongo man te maungatabu are e na maroroakinaki, e boboto iaon kainnanoia membwa ao kairi iroun te Tamnei. N taai tabetai, te bitiobi ke te beretitenti n te titeiki e kona naba n rinea te rongorongo. Ae tabangaki, taan kairiiri a riai ni katuruturui aia rongorongo irouia kaain te Moan Beretitentii ao te Kooram n Abotoro n te Tengaun ma Uoman. E ngae n anne, te rongorongo man te kabanea ni maungatabu e kona ni maroroakinaki.

A riai mataniwi ao taan reirei ni kakaai kawai ake a na kaungaia iai membwa ni wareka te rongorongo are e rineaki imwain te boowi.

Ibukin rongorongon riki taekan aia boowi te kooram n unimwaane ao te Bootaki n Aine, taraa Aeniboki 2: Aron Kairan te Ekaretia, 7.8.1, 9.4.1, ChurchofJesusChrist.org.

Babairean te Reirei

Titiraki aika imwiina a kona ni buokiia taan reirei ngkai a baireia bwa ana kabonganai rongorongon te maungatabu ni kabuta n reirei.

1. Tera ae e tangiriia te tia taetea bwa tina ota iai? Tera reirein te euangkerio ae e reirei iaona teuanne ke neienne? E na kanga ni kaineti nakoia ara kooram ke te Bootaki n Aine?

2. Tera boki aika a tabu ae kabonganai te tia taetae ni boutoka ana rongorongo teuanne ke neienne? Iai riki koroboki aika a tabu aika ti kona ni wareki are ti na kona ni karakaa riki otara iai? (Kam kona ni kunei tabeua rongorongo man te endnotes ke te Topical Guide.)

3. Tera te titiraki aika I kona n anga ake a na buokiia membwa n iangoa iai te rongorongo? Tera titiraki aika a na buokiia n noora rekereken te rongorongo inanon maiuia, n aia utu, ao ana mwakuri te Uea?

4. Tera te angaa ae I kona ni kaoa te Tamnei inanon ara boowi? Tera ae I kona ni kabongana ni kanakoraoan riki te maroro, n raonaki ma karaki, kabootau, katangitang, ao korotamnei? Tera ae e kabongana te tia taetae?

5. Iai te kakao ae E katangaina te tia taetae? N na kanga ni buokiia membwa n namakina te nano ni kan karaoi nanon kakao akanne?

Iango iaon waaki ni kakukurei

Iai kawai aika a mwaiti ni buokiia membwa ni kamatebwai man rongorongon te maungatabu. Aikai tabeua katotoo; ko kona ni karekei iango riki tabeua are a na mwakuri raoi riki n ami kooram ke te Bootaki n Aine.

• Maroro inanon te kurubu. Tibwatibwaia membwa inanon kurubu aika a uarereke, ao katabeia kurubu akanne mwakoro aika a kakaokoro man rongorongon te maungatabu bwa a na warekia ao ni maroroakinna. Ngkanne tuangiia kurubu nako bwa a na tibwa te koaua are a reiakinna. Ke ko kona ni katei kurubu ma aomata aika a kamatebwai mwakoro aika a kakaokoro ao anganiia bwa a na tibwai imarenaia bwaai ake a reiakinii.

• Kaekai titiraki. Kaoia membwa bwa a na kaekai titiraki n aron aikai iaon rongorongo man te maungatabu. Tera koaua man te euangkerio aika ti kunei man te rongorongo aei? Ti na kanga ni karaoi nanon koaua aikai? Baikara kakao ao berita ni kakabwaia aika a anga? Tera ae e reireiniira te rongorongo aei ibukin ana mwakuri te Atua are e tangiria bwa tina karaoi?

• Tibwai maroro ake a taekinaki. Kaoia membwa bwa a na tibwa te rongorongo man te maungatabu are e kaungaia bwa a na kakoroi bukin tibwangaia n te mwakuri ni kamaiu. Kaungaia bwa a na iangoia bwa a na kanga n tibwai rongorongo aikai ni kakabwaiaia temanna, n raonaki ma naake ti tangiriia ao aomata ake a ibuobuoki nakoia.

• Tibwa te bwai teuana iaon te reirei. Imwain taina, kaoia tabeman membwa bwa a na uoti bwaai man mweengaia ake a kona ni kabonganai n reirei iai rongorongo man te maungatabu. N tain te boowi, tuangiia membwa bwa a na kabwarabwara bwa a kanga bwaai akanne n irekereke nakon te rongorongo.

• Katauraoa te reirei n reiakinna n te mweenga. Tuangiia membwa bwa a na mwakuri ni kakauoman ni bairea te reirei n te tairiki ae boboto iaon te rongorongo man te maungatabu. Tina kanga ni karaoa te rongorongo bwa e na irekereke nakoia ara utu? Tina kanga n tibwa te rongorongo aei ma aomata ake ti ibuobuoki nakoia?

• Tibwa te bwai ae ko rinanona. Ikotaki wareki tabeua kibuntaeka man rongorongo man te maungatabu. Tuangiia membwa bwa a ana tibwai katoto man koroboki aika a tabu ao man maiuia ake a kabwarabwarai ke ni kaungai reirei ake a reiakin man kibuntaeka aikai.

• Kamatebwai taekan koroboki aika a tabu. Kaoia membwa bwa a na wareki kibu man koroboki aika a tabu man rongorongo man te maungatabu. Tuangiia bwa a na maroroakinna bwa a kanga reirei n te maroro ni buokiia ni matata n koroboki aika a tabu.

• Ukoukora te kaeka. Imwain te tai, katei tabeua titiraki aika a kona ni kaekaaki ni kabonganaan rongorongo man te maungatabu. Kabotoi titiraki iaon te bwai ae e nano ke rekereke ma reirei man te euangkerio (taraa Teaching in the Savior’s Way, 31–32). Ngkanne kariaia membwa bwa a na rinea ao ni karekei kaeka inanon te rongorongo. Kaoia bwa a na maroroakini aia kaeka inanon te kurubu ae uarereke.

• Kakaea te kibu. Kaoia membwa bwa a na kakaai rongorongo n te maungatabu, n taratarai kiibu ake a nano irouia. Tuangiia bwa a na tibwai kiibu ao tera ae a reiakinna mai iai. E na kanga ni buokiira reirei aikai n ana mwakuri te Uea?

• Karika te bwai teuana. Kaoia membwa bwa a na karaoa te boutita ke te bokimwaake are e kaira te maroro ae anainano man te rongorongo man te maungatabu. Anganiia aia tai n tibwa te bwai are a karaoi.