E Kanga te Nakoanibonga ni Kakabwaiaia Kairake
Rinanon te nakoanibong, ti konaa n tabekakirake. Te nakoanibonga e uota te oota nakon ara aonaaba.
I rang kukurei ni menau ikai. Ngke I moan ataia bwa e na reke au tai n taetae nakoimi n te bong aei, I rang namakina te kukurei ma n rangi nanorinano n te tai naba anne. I a tia ni kabanea te tai n iangoia bwa tera N na kona n tibwauaia, ao au kantaninga te Tamnei e na taetae ni kaeineti nakoimi rinanon au reirei.
Inanon ana Boki Moomon, Riaai e anga te kakabwaia nakoia natina mwaane n tatabemaniia imwain matena bwa a aonga ni buokaki ni kinai korakoraia ao aia konabwai ae akea tokina. Ngai te kawaniman n nati ae te bina, ao n ririki aika nako I a tia n riki n te moan tai bwa tii ngai te ataei n te mweenga. N akean tariu nako irarikiu ao n akean temanna ae na kakaraki ma ngaia n tainako e riki bwa au kaangaanga. E mwaiti tairiki ake I a tia n namakina te tiku n tii ngai. I bon kakaaitau ibukiia au karo, ake a tia ni kataa aia kabanea n tamaroa ni buokai. Te katooto n aei ngke e anga nanona au karo bwa e na anganai te kakabwaia n rau n te nakoanibonga inanon te tai ni kaangaanga ae onoti. Imwiin ana kakabwaia, bwaai aki bitaki n te tai ae waekoa, ma I bon kona n namakina te rau ao te tangira mairoun Tamara are i Karawa ao mairoun au karo. I namakina kakabwaiakiu ni karekea te karo ae tau are e kona ni katauraoa te kakabwaia n te nakoanibonga n taai ake I kainanoia ao ni buokai ni kinaa korakorau ao au konabwai ae akea tokina, n aron are e karaoia Riaai ngke e kakabwaiaiia natina.
N aki taraia bwa tera are ko mena inanona, ko kona n taainako ni karekei taian kakabwaia n te nakoanibonga. Mairouiia kaain te utu, rao, taari n ibuobuoki, taan kairiiri n te nakoanibonga, ao Tamara are i Karawa e na aki kabwaka nakoim, ko kona ni karekei taian kakabwaia n te nakoanibonga. E taku Unimwaane Neil L. Andersen: “Te kakabwaia n te nakoanibonga bon akea tokin korakorana riki nakon temanna are e tuangaki bwa e na anga te bwaintangira. … Ngkana ti bon kororaoi, te otenanti n te nakoanibonga e kakabwaiai maiura.”1
Tai tabwara ni bubuti ibukin te kakabwaia n te nakoanibonga ngkana ko kainnanoa rakan kairam. Bon inanon ara tai ae kaangaanga are ti kainanoa te Tamnei ni buokiira riki. Akea temanna ae kororaoi, ao ngaira ni kabane ti rinanon te kaangaanga. Tabeman iroura a karawawataaki ma te ingainga, barannano, anua aika kareke, ke namakin ake ti aki bati n taui. Ana kakabwaia n te nakoanibonga e kona ni buokiira n tokanikai ni kaangaanga aikai ao ni karekea te rau ngkai ti waakirake. Au kantaninga bwa ti na kataia ni maiuakina te kororaoi ni karekei kakabwaia aikai.
Te kawai teuana are e kakabwaiaiira iai te nakoanibonga bon rinanon ana kakabwaia te tamanuea. I a tia n reiakinna ni wawareka au kakabwaia n te tamanuea n taai ake I namakina iai te nanokawaki ke n tiku n tii ngai. Au kakabwaia e buokai ni kinaa au konabwai ao ana baire ae onoti te Atua ibukiu. E anganai te mweeraoi ao ni buokai n noora are riaon au taratara n aonaaba. E kauringaai taekan au bwaintangira man te kakabwaia are N na karekei ngkana I maiuna te kororaoi. E buokai naba n uringi ao namakina te rau bwa te Atua ena katauraoi kaeka ao ni kauki mataroa ibukiu inanon taai ake I rang kainanoi iai.
Ana kakabwaia te tamanuea e buokiira ni katauraoiira n oki ni maeka ma Tamara are i Karawa. I ataia ana kakabwaia te tamanuea e roko mairoun te Atua ao ni buoka mamaarara bwa a na riki bwa korakorara. Aikai ti aki rongorongo mairoun te “tia kaiua”; kakabwaia aikai e tuangiira bwa tera ti kainanoia n ongo. Ai aron te Riaona ibukira n tatabemaniira nako. Ngkana ti karimoaa te Atua ao ni iai ara onimaki Irouna, E na kairiira rinanon oin ara rereua.
Ai aron te Atua ngke e kakabwaia Iotebwa Timiti ma te nakoanibonga n te aro are te kakabwaia n te euangkerio e konaa ni kaokaki, ti kona ni karekea te kakabwaia man te euangkerio inanon maiura rinanon te nakoanibonga. Ni katoa wiiki ti karekea te waaki ae raka ao ara tai n anaa te toa. Rinanon te ontenanti n te nakoanibonga aei, ti kona ni karekea te Tamnei ni mena iroura n taainako, are e kona ni kanakoi barekara ao ni kaitiakiira. Ngkana ko namakina kainanoan kanakoan bwaai tabeua man maium, taetae nakon te tia kairiiri ae onimakinaki are e na kona n buokiiko iaon bwaai ake ko atai bwa a bon eti. Am tia kairiiri a kona ni buokiiko ni karekea te mwaaka ae bwanin man ana Mwakuri ni Kamaiu Iesu Kristo.
Te kaaitau nakon te nakoanibonga, ti konaa ni karekea te kakabwaia n te otenanti man te tembora. Man te tai are I a tia n rin iai n te tembora, I a tia ni karaoia bwa te kouru ao ni moanibwaia bwa na nanako iai n taainako. Man anaakin te tai ao karaoan te anganano ae riai bwa na kaan riki nakon Tamara are i Karawa n Ana auti ae tabu, I a tia ni kakabwaiaaki ma karekean kaotioti ao kairi ake a tia raoi ni buokai rinanon maiu.
Rinanon te nakoanibong, ti konaa n tabekakirake. Te nakoanibonga e uota te oota nakon ara aonaaba. Unimwaane Robert D. Hales e taku: “N akean te mwaaka n te nakoanibonga, ‘te aonaaba ae bwanin e na bon urubekebekeaki’ (taraa R&B 2:1–3). A na akea te oota, akea te kataninga—tii te rotongitong.”2
E kaungaira te Atua. E tangiriira bwa ti na oki nako Ina. E kinaira n tatabemaniira. E kinako. E tangiriira. E bon ataira n taainako ao E kakabwaiaira e ngae ngkana ti namakina ae ti aki tau nako iai. E ataia bwa tera ae ti kainanoia ao ningai ae ti kainanoia iai.
“Bubuti, ao kam na anganaki; ukeuke, ao ane e na reke iroum; karebwerebwe, ao e na kaukaki nakoim:
Kam na bubuti, ao ane kam anganaki; kam na ukeuke ao e na reke iroumi; kam na karebwerebwe ao ane e na kaukaki nakoimi” (Mataio 7:7–8).
Ngkana bon akea iroum te kakoaua n taekan te nakoanibonga, I kaungako n tataro ao bubuti bwa ko na ataia i bon iroum mwaakana, ngkanne wareki koroboki aika tabu n ongora ana taeka te Atua. I ataia bwa ngkana ti karaoa te mwakuri n rinanon mwaakan te Atua n te nakoanibonga inanon maiura, ti na riki ni kakabwaiaaki. N aran Iesu Kristo, amen.