Mga Magasin nga Makatubag sa Tibuok Kalibotan nga mga Panginahanglan

Ang bag-ong naporma isip tulo ka publikasyon sa tibuok kalibotan sugod sa Enero 2021, ang mga magasin sa Simbahan maghatod og mga mensahe gikan sa mga lider sa Simbahan nga “mapuslanon ug motukma sa panahon,” sumala ni Elder Quentin L. Cook sa Korum sa Napulog Duha ka Apostoles. Ang bag-ong mga magasin alang sa kabataan, kabatan-onan, ug mga hamtong “adunay espiritwal ug doktrinal nga gahom,” miingon siya. Ang mga hisgotanan nagsuporta sa Dali, Sunod Kanako nga kurikulom ug ubang importante nga mga butang.

“Ang mga magasin sa Simbahan mao ang bililhong kapanguhaan alang sa pagkat-on mahitungod sa ebanghelyo ni Jesukristo ug sa pagbatyag og pagbati sa pagkahisakop sa Iyang Simbahan,” ang Unang Kapangulohan miingon sa usa ka sulat nga nagpahibalo sa bag-ong mga magasin. “Ang among tinguha mao nga ang mga miyembro sa tanang dapit mo-subscribe ug mohangop niining makapalig-on sa hugot nga pagtuo nga impluwensiya nganha sa ilang mga kasingkasing ug mga panimalay.”

Ang Liahona, alang sa mga hamtong; ang Alang sa Kalig-on sa mga Kabatan-onan, alang sa mga batan-on; ug ang Higala, alang sa mga bata, karon naghimong posible alang sa:

Mga pamilya sa gibanabana nga mga 150 ka nasod aron makabaton og oportunidad sa pag-subscribe sa magasin nga gituyo alang lamang sa kabataan ug kabatan-onan.
Mga magasin aron maanaa nga mas kanunay diha sa pipila ka dapit ug mga pinulongan.
Mga miyembro aron makadawat og susama nga makahiusang mga mensahe pinaagi sa tibuok kalibotan nga mga magasin.
Mga artikulo sa magasin aron mas madugangan ang pagkaanaa nini sa digital man ug sa inimprinta nga mga format.

Ang lokal nga mga lider giawhag sa paghatag ngadto sa bag-ong mga kinabig og usa ka tuig nga subskripsyon sa magasin nga haom sa ilang edad ug sa paghatag og mga subskripsyon sa Higala o Alang sa Kalig-on sa mga Kabatan-onan ngadto sa kabataan ug kabatan-onan kinsa magsimbahan nga dili kauban ang ilang mga ginikanan.¹