Mga Balita sa Simbahan

Kalamboan sa Templo Nagpadayon

Sa iyang panapos nga pakigpulong sa kinatibuk-ang komperensiya, si Presidente Russell M. Nelson mipahibalo sa plano sa pagtukod og 20 ka bag-ong mga templo sa tibuok kalibotan (tan-awa sa pahina 127). Ang daghang piho nga mga templo nga gipahibalo kaniadto sa usa ka higayon mao ang 12 ka templo nga gipahibalo ni Presidente Nelson niadtong Oktubre 7, 2018.

Si Presidente Gordon B. Hinckley mipahibalo sa mga plano sa pagtukod og ingon ka daghan sama sa 32 ka bag-ong mga templo sa kinatibuk-ang komperensiya niadtong Abril 1998 apan wala maglista og pihong mga lokasyon.

Sukad nahimong Presidente sa Simbahan niadtong 2018, si Presidente Nelson mipahibalo bahin sa pagtukod og 69 ka templo. Gipahibalo niya ang 19 ka templo nianang tuiga, 16 niadtong 2019, ug 14 pagka 2020. Adunay 43 ka templo ang kasamtangang gitukod o gipang-usab, ug bisan pa man sa pandemya, gihimo ang groundbreaking sa 21 ka bag-ong templo pagka 2020. Ang Simbahan karon aduna nay 251 ka templo nga gipahibalo, gitukod pa, o gigamit na.

Agi og dugang sa pagpahibalo bahin sa templo, si Presidente Nelson milatid sa upat ka hugna nga pag-abli og balik sa mga templo samtang nagkahinay ang pandemya.