Ol Haelaet blong Namba 192 Yia Jeneral Konfrens

Hem i wan blesing, long ol taem ia blong jalenj, blong kasem daereksen mo kaonsel we i kam long Lod Jisas Kraes, we i stap lidim Jos blong Hem we Hem i bin putumbak; ol daereksen mo kaonsel ia, Hem i givim tru long ol profet mo ol aposol we oli laef i stap.

Long taem blong jeneral konfrens, Lod i bin givim samfala invitesen ia tru long profet blong Hem, Presiden Russell M. Nelson. Hemia samfala:

1. Serem Paoa mo Pis blong Jisas Kraes

Presiden Nelson i mekem ol memba oli mas tingbaot “tabu responsabiliti blong serem paoa mo pis blong Jisas Kraes wetem evriwan we bae i wantem lisin.” Long ol taem ia blong jalenj, “Evri man mo woman i mas save weaples oli save faenem hop mo pis we i bitim evri save [Filipae 4:7].”

Blong ridim niufala singaot blong Presiden Nelson i go long evri yang man we i klin inaf mo i save mekem, blong rere mo givim seves long wan misin, luk long “Prijim Gospel blong Pis” we i stap long pej 6.

2. Bildimap Gud Taem blong Faea blong Spirit

Presiden Nelson i tijim, “Yumi neva nidim gud paoa blong faea blong spirit moa bitim we yumi nidim naoia, blong stopem spid we ivel mo ol saen blong tudak blong taem, blong kam strong moa.”

Faenem faef spesifik invitesen we i kam long Presiden Nelson blong save mekem paoa blong faea blong Spirit blong yumi i kam antap moa. Faenem insaed long “Paoa blong Faea blong Spirit” we i stap long pej 97.

3. Jusum Olsem Wanem bae Yu Spenem Taem blong Yu

Presiden Nelson i eksplenem se i gat sam samting we yumi no save kontrolem. “Be i gat ol samting we yumi save kontrolem,” hem i talem, “mo i tekem wei we yumi spendem taem blong yumi evri dei.”

Ridim invitesen blong Presiden Nelson blong oli spendem taem blong lukluk nomo long ol blesing blong tempol we i stap long toktok ia, “Naoia I Taem” we i stap long pej 126.

Taem yu stap stadi mo tekem aksen long ol invitesen ia, mifala i stap invaetem yu blong tingting blong serem eksperiens blong yu wetem ol narawan tru long Liahona.