“Amy A. Wright,” Liahona, Mei 2022.
Amy A. Wright
Fas Kaonsela long Praemeri Jeneral Presidensi
Sista Amy A. Wright i stap tingbaot wan naet, plante yia i pas nao, taem we hem i stap kasem tritmen blong stej 4 kansa long basket blong eg blong bebi. Hem i harem i soa tumas, mekem se Hem i nomo gat filing long God. Nomata long testemoni blong hem mo bilif blong hem long Papa long Heven, long Sevya, mo long plan blong fasin blong sevem man, hem i bin stap long nid i stap.
Olsem wan yang pikinini, Sista Wright, mama blong hem mo ol Praemeri lida blong hem oli bin tijim se, taem yu filim se yu fraet, yu stap yuwan, o yu nidim Spirit, bae hem i save singsing wan Praemeri singsing.
“Be hemia i blong ol pikinini,” hem i tingting naoia. “?Bae mi tu mi save mekem hemia?”
Nao, ansa i kam—mo singsing tu.
“Mi pikinini blong God tu,” Sista Wright i tingbaot. “Mekem se, insaed long maen blong mi, mi stat blong singsing, ‘Papa long Heven, ?Yu yu rili stap ia?’1
“Mo mi stop long ples ia nao. Evri string mo mit blong bodi blong mi, lav blong God i kavremap. Mi save tajem, mo hemia i mekem mi sapraes from se mi no save filim wan nara samting. Mi bin save se Hem i bin stap ia, se Hem i save stret wanem we mi bin stap gotru long hem, mo Hem i bin wan God we i gat lav.”
Amy Eileen Anderson Wright i bon i kam long wol ia long 6 Jenuware 1972, long Sol Lek Siti, Yuta, YSA. Papa mo mama blong hem i Robert mo Joy Anderson. Hem i maredem James McConkie Wright long 24 Jun 1994 long Sol Lek Tempol. Tufala i gat tri boe.
Sista Wright i graduet wetem wan digri blong saens long saed blong divelopmen blong ol man, mo stadi blong ol famli, hemia long Yunivesiti blong Yuta long 1998. Hem i bin wok insaed long studen media dipatmen long Marquette Yunivesiti Kolej blong Komunikesen, mo semtaem, hasban blong hem i bin go long skul from dokta blong tut.
Sista Wright i bin stap olsem Seken Kaonsela insaed long Praemeri Jeneral Presidensi long las yia i kam, mo hem i bin givim seves long jeneral advaes kaonsel blong Ol Yang Woman blong tri yia, bifo long hemia. Ol nara koling we hem i bin holem, oli stek mo wod presiden blong Praemeri, wod Rilif Sosaeti mo Praemeri presidensi kaonsela, Rilif Sosaeti tija, Gospel Doktrin tija, mo Cub Scout lida.