Ol Niu Risos

I gat ol risos we oli jes kamaot mo i stap blong helpem ol memba blong oli laef folem gospel, mekem ol famli blong olgeta oli kam strong moa, mo blong lukluk long ol responsabiliti blong Jos.

Ol Stori long OlTesteman

Pikja buk ia, naoia i gat ol niu pikja droing long hem, mo ol raeting we bae i helpem ol famli blong mekem hom stadi blong olgeta. Buk ia, we oli luklukbak long hem, i gat moa long 350 niu pikja droing. Evri stori blong bifo, oli bin raetem bakegen; oli ademap naen moa stori, mo buk ia, oli bin transletem long 63 lanwis. Ol vidio we pikja i muv, mo ol odio we man i rid, oli bin developem olgeta long 10 lanwis, blong wanwan stori. Ol Stori long OlTesteman, mo ol vidio we oli kam wetem, oli stap naoia onlaen long scripturesto.ries.ChurchofJesusChrist.org, insaed long Gospel Library, mo insaed long Gospel for Kids ap, mo long YouTube. Vesen we oli printim, oli save oda long hem tru long store.ChurchofJesusChrist.org, o long ol distribusen senta.

Muslims and Latter-day Saints: Beliefs, Values, and Lifestyles

Niufala pamflet ia, i presentem Ol Muslim (olgeta we oli folem Islam) mo i presentem Ol Lata-dei Sent long wanwan long olgeta. Fastaem we oli bin presentem, Elda David A. Bednar mo Elda Gerrit W. Gong blong Kworom blong Olgeta Twelef Aposol nao oli bin presentem long wan konfrens long saed blong Islam, long Brigham Yang Yunivesiti long Oktoba 2021. Pamflet ia, i stap insaed long Gospel Library (long ChurchofJesusChrist.org, insaed long mobael ap) long ol lanwis ia: Arab, Inglis, Farsi, Franis, Jemani, Rasia, Spanis, mo Tekis. Insaed long Gospel Laebri, long Inglis lanwis, go long Books and Lessons, mo afta, openem Interfaith Relations.

Janis blong Kasem Skolasip

BYU–Pathway Worldwide i stap givim naoia wan skolasip janis long evri studen, hemia folem nid blong hem. I no gat samting blong mekem long saed blong skul blong save kwalifae from skolasip ia. Ol PathwayConnect studen we oli enrol, oli mas fulumap sam moa infomesen nomo.

Finding Strength in the Lord: Emotional Resilience

Kos ia, long saed blong Indipenden Laef, i stap naoia long ol lanwis ia: Albenia, Jaenis, Tsek, Danis, Daj, Inglis, Franis, Jemani, Hangari, Itali, Japanis, Koria, Potugis, Rasia, mo Spanis.

Calling Guides

I gat naoia ol niufala gaed long saed blong lidasip blong helpem Ol Yang Woman lida blong stap olsem mento blong ol yut. Blong faenem ol gaed ia insaed long Gospel Laebri, go long Hanbuk mo Koling, afta Wod o Branj Koling, mo afta Yang Woman. Oli save faenem moa risos long YoungWomen.ChurchofJesusChrist.org, hemia long Inglis lanwis.

Kontak Infomesen

Ol Lata-dei Sent we oli bin givim seves long wan misin stat long yia 2000, naoia oli save serem ol kontak infomesen blong olgeta wetem foma misin lida blong olgeta tru long wan niu misin daerektri insaed long Member Tools ap. Taem wan i jusum blong mekem olsem, wan foma misinari i letem ol misin lida blong hem blong luk nem blong hem mo kontak infomesen blong hem. Ol misin lida oli save yusum infomesen ia blong toktok wetem ol misinari, hemia oli save toktok wetem wanwan long olgeta, mo i save toktok long olgeta olsem wan grup.

Gospel for Kids

YouTube janel ia, i stap naoia long Inglis, Potugis, mo Spanis lanwis. Niufala seksen blong Gospel Library we oli singaotem Children, i letem ol pikinini blong oli go luk ol stori, ol vidio, mo ol nara onlaen aktiviti.

Jeneral Hanbuk: Stap Givim Seves Insaed long Jos Ia blong Jisas Kraes blong Ol Lata-dei Sent

Ol las revisen, naoia oli finisim long Inglis lanwis, mo bae i gat ol nara lanwis oli kam folem long yia 2022.