“Kristin M. Yee,” Liahona, Mei 2022.
Kristin M. Yee
Seken Kaonsela long Jeneral Presidensi blong Rilif Sosaeti
Long wan wol we i gat plante seraot mo plante pipol oli mas stap olgetawan, Sista Kristin M. Yee i bin luk se ol meresin blong stretem ol sosol sik ia, hem i tru long gospel blong Jisas Kraes mo Rilif Sosaeti.
“Rilif Sosaeti i yunaetem mifala anda long Hem,” hem i talem. “Long eni ples we mi travel long hem raon long wol, mi lukaotem ol Rilif Sosaeti sista blong mi, mo naoia nomo, mi filim lav mo mi filim se oli save mi. Mifala i serem ol sem samting abaot Kraes mo tru long ol testemoni blong mifala abaot Hem.”
Sista Yee, we i bin stap givim seves long Praemeri jeneral advaes kaonsel, i kam long niufala koling blong hem olsem Seken Kaonsela long Jeneral Presidensi blong Rilif Sosaeti wetem sua tingting ia, se hem i no stap wok hemwan.
“Lod i stap long paoa, mo mi trastem Hem,” hem i talem. “Mo tu, mi filim strong se yumi nidim evriwan long wok ia blong Hem. Yumi gat wan rol blong plei, mo yumi save kam wan pat blong wok ia, tugeta. Mi mi talem tangkyu tumas from mi gat wan janis blong givim seves.”
Kristin Mae Yee i bin bon i kam long wol ia long namba 5 Mei 1981, long Sakramento, Kalifonia, YSA; papa mo mama blong hem i Ryan R. Yee mo Jaydean Fox McKay. Afta, hem i bin muv i go long Aedaho, YSA, mo afta, i muv i go long Yuta.
Hem i faenemaot, taem hem i yang yet, se hem i lavem mo hem i gat talen long saed blong art, we i lidim ol rod blong hem long saed blong edukesen mo long saed blong wok. Hem i wan andagraduet long saed blong digri blong ol naes art; hem i graduet long Brigham Yang Yunivesiti–Aedaho mo Brigham Yang Yunivesiti. Long 2019, hem i winim wan masta long saed blong pablik administresen long BYY.
Ol art skil blong sista Yee, mo strong tingting blong hem long saed ia, i lidim hem long wan posisen olsem wan artis, mo olsem wan prodiusa long Disney Interactive Studios, mo hem i bin wok long ples ia blong 13 yia. Naoia, hem i maneja animesen tim blong Jos. Ol peinting blong hem long saed blong gospel, i soem Sevya long taem blong seves blong Hem long wol ia.
Sista Yee i bin givim seves long plante koling blong Jos, mo i tekem stek Rilif Sosaeti Presiden, wod Rilif Sosaeti Presidensi kaonsela mo tija, wod Yang Woman presiden, Gospel Doktrin tija, wod misinari, mo tempol odinens wokman.