၃ နီဖိုင်း

ကျမ်းစာများ

မော်မုန်ကျမ်း

အကြောင်းအရာများ
နိဒါန်းနှင့် သက်သေများ
၁ နီဖိုင်း
၂ နီဖိုင်း
ယာကုပ်
ဧနုတ်
ယာရုမ်
ဩမနိ
မော်မုန်၏စကားများ
မောဇိယ
အယ်လမာ
ဟေလမန်
၃ နီဖိုင်း
၄ နီဖိုင်း
မော်မုန်
ဧသာ
မော်ရော်နိုင်း
မော်မုန်ကျမ်းအတွက် ကိုးကားချက်လမ်းညွှန်

၃ နီဖိုင်း

အခန်းကြီး ၁
ဟေလမန်၏သား နီဖိုင်းသည် ထိုပြည်မှ ထွက်ခွာ၏။ သူ၏သားနီဖိုင်းသည်လည်း မှတ်တမ်းများကို ရေးမှတ်၏—နိမိတ်လက္ခဏာများနှင့် အံ့မခန်းချီးမွမ်းဖွယ်အမှုတို့ များစွာရှိသော်လည်း ဆိုးညစ်သောသူတို့သည် ဖြောင့်မတ်သောသူများကို ကွပ်မျက်ခြင်းငှာ ကြံစည်ကြ၏—ခရစ်တော်ဖွားမြင်တော်မူရာညဉ့် ရောက်လာ၏—နိမိတ်လက္ခဏာကိုပေး၏၊ အသစ်ဖြစ်သောကြယ်တစ်လုံး ထွက်လာ၏—မုသားပြောခြင်းနှင့် လှည့်ဖြားခြင်းတို့ တိုးပွားလာ၏၊ ဂါဒျန်တန်ဓားပြတို့သည် များစွာသောသူတို့ကို သိမ်းရုံးသတ်ဖြတ်ကြ၏။ အေဒီ ၁–၄ ခန့်။
အခန်းကြီး ၂
ဆိုးညစ်ခြင်းနှင့် စက်ဆုပ်ရွံရှာဖွယ်အမှုများသည် လူတို့၌ တိုးပွား၏—နီဖိုင်းအမျိုးသားတို့နှင့် လာမန်အမျိုးသားတို့သည် ဂါဒျန်တန်ဓားပြတို့တစ်ဖက်၌ သူတို့ကိုယ်သူတို့ကာကွယ်ခြင်းငှာ ပူးပေါင်းကြ၏—ပြောင်းလဲသော လာမန်အမျိုးသားတို့သည် အသားဖြူလာ၍၊ နီဖိုင်းအမျိုးသားများဟု အခေါ်ခံရ၏။ အေဒီ ၅–၁၆ ခန့်။
အခန်းကြီး ၃
ဂါဒျန်တန်အကြီးအကဲ ဂိဒျန်ဟိသည် လာချော်နေရုနှင့် နီဖိုင်းအမျိုးသားတို့ကို သူတို့ကိုယ်တိုင်နှင့် သူတို့၏ပြည်များကို အညံ့ခံရန် တောင်းဆို၏—လာချော်နေရုသည် ဂိဂိဒေါနိအား တပ်များ၏ဗိုလ်ချုပ်မင်းအဖြစ် ခန့်အပ်၏—နီဖိုင်းအမျိုးသားတို့သည် မိမိတို့ကိုယ်ကိုကာကွယ်ရန် ဇရဟင်မလနှင့် အလျှံပယ်၌ စည်းဝေးကြ၏။ အေဒီ ၁၆–၁၈ ခန့်။
အခန်းကြီး ၄
နီဖိုင်းအမျိုးသားတို့သည် ဂါဒျန်တန်ဓားပြတို့ကို အနိုင်ရကြ၏—ဂိဒျန်ဟိသည် ကွပ်မျက်ခံရ၏၊ သူ၏နောက်မှတက်သူ ဇေမနာရိဟသည် လည်ဆွဲချခံရ၏—နီဖိုင်းအမျိုးသားတို့သည် မိမိတို့၏အောင်နိုင်ခြင်းတို့အတွက် ကိုယ်တော်ရှင်ကို ချီးမွမ်းကြ၏။ အေဒီ ၁၉–၂၂ ခန့်။
အခန်းကြီး ၅
နီဖိုင်းအမျိုးသားတို့သည် နောင်တရ၍၊ သူတို့၏အပြစ်များကို စွန့်ပစ်ကြ၏—မော်မုန်သည် မိမိလူမျိုးတို့၏သမိုင်းကြောင်းကို ရေး၍၊ ထာဝရတည်မြဲသောနှုတ်ကပတ်တော်ကို သူတို့အား ဟောကြား၏—ဣသရေလအမျိုးသည် ၎င်း၏ကြာမြင့်လှသော ပြန့်ကျဲခြင်းမှ စုဝေးခံရလိမ့်မည်။ အေဒီ ၂၂–၂၆ ခန့်။
အခန်းကြီး ၆
နီဖိုင်းအမျိုးသားတို့သည် အောင်မြင်ကြ၏—မာန၊ ကြွယ်ဝခြင်းနှင့် လူတန်းစားခွဲခြားခြင်းတို့ ဖြစ်လာ၏—အသင်းတော်သည် ငြင်းခုံခြင်းတို့အားဖြင့် ပြိုကွဲ၏—စာတန်သည် လူတို့အား ထင်ရှားစွာပုန်ကန်ခြင်း၌ ဦးဆောင်၏—များစွာသောပရောဖက်တို့သည် နောင်တရခြင်းကို ဟစ်ကြော်သဖြင့် ကွပ်မျက်ခံရ၏—သူတို့၏လူ့အသက်သတ်သောသူတို့သည် အစိုးရကိုလွှဲယူခြင်းငှာ လျှို့ဝှက်ကြံစည်ကြ၏။ အေဒီ ၂၆–၃၀ ခန့်။
အခန်းကြီး ၇
တရားသူကြီးချုပ် အသတ်ခံရ၏၊ အစိုးရ ဖျက်ဆီးခံရ၍ လူတို့သည် မျိုးနွယ်စုများအဖြစ် ကွဲပြားကြ၏—အန္တိခရစ် ယာကုပ်သည် လျှို့ဝှက်ဂိုဏ်း၏ ရှင်ဘုရင်ဖြစ်လာ၏—နီဖိုင်းသည် နောင်တရခြင်းနှင့် ခရစ်တော်ကို ယုံကြည်ခြင်းအကြောင်း ဟောပြော၏—ကောင်းကင်တမန်တို့သည် သူ့ကို နေ့စဉ်အမှုတော်ဆောင်၏။ သူသည် မိမိညီကို သေခြင်းမှ ထမြောက်စေ၏—များစွာသောသူတို့သည် နောင်တရ၍၊ ဗတ္တိဇံခံကြ၏။ အေဒီ ၃၀–၃၃ ခန့်။
အခန်းကြီး ၈
ခရစ်တော်အား လက်ဝါးကပ်တိုင်မှာ ကွပ်မျက်ခံရခြင်းကို မိုးသက်မုန်တိုင်းများ၊ မြေကြီးလှုပ်ခြင်းများ၊ မီးများ၊ လေပွေများနှင့် သဘာဝတရားအုံကြွခြင်းတို့က သက်သေပြ၏—များစွာသောလူတို့ပျက်စီးကြ၏—မှောင်မိုက်ခြင်းသည် ထိုပြည်ကို သုံးရက်ကြာအောင် ဖုံးလွှမ်း၏—ဆက်၍ကျန်ရှိသောသူတို့သည် မိမိတို့ကံကြမ္မာအတွက် မြည်တမ်းကြ၏။ အေဒီ ၃၃–၃၄ ခန့်။
အခန်းကြီး ၉
မှောင်မိုက်ထဲ၌ ခရစ်တော်၏အသံသည် များစွာသောလူတို့နှင့် မြို့များ သူတို့၏ဆိုးညစ်ခြင်းကြောင့်ပျက်စီးခြင်းကို ကြေညာ၏—သူ၏ဘုရားဂုဏ်တော်ကိုလည်း ကြေညာ၏၊ မောရှေ၏ပညတ်တရား ပြီးပြည့်စုံပြီဖြစ်ကြောင်းကို ကြေညာ၏၊ လူသားတို့ကို သူ့ထံသို့လာ၍၊ ကယ်တင်ခြင်းသို့ရောက်စေရန် ဖိတ်ခေါ်၏။ အေဒီ ၃၄ ခန့်။
အခန်းကြီး ၁၀
ထိုပြည်၌ နာရီပေါင်းများစွာကြာအောင် တိတ်ဆိတ်ခြင်းရှိ၏—ကြက်မသည် မိမိသားငယ်တို့ကို စုရုံးသကဲ့သို့ ခရစ်တော်၏အသံသည် သူ၏လူမျိုးတို့ကို စုရုံးမည့်အကြောင်း ကတိထားတော်မူ၏—လူတို့အထဲမှ သာ၍ဖြောင့်မတ်သောသူတို့သည် ကာကွယ်စောင့်မခံရ၏။ အေဒီ ၃၄–၃၅ ခန့်။
အခန်းကြီး ၁၁
ခမည်းတော်သည် သူ၏ချစ်သားအကြောင်းကို သက်သေခံ၏—ခရစ်တော် ရောက်လာတော်မူပြီးလျှင် သူ၏အပြစ်ဖြေခြင်းမင်္ဂလာကို ကြေညာ၏—လူတို့သည် သူ၏လက်၊ ခြေနှင့် နံဘေးတော်မှ ဒဏ်ရာဒဏ်ချက်များကို တို့စမ်းကြ၏—သူတို့သည် ဟောရှဏ္ဏဟု ဟစ်ကြွေးကြ၏—သူသည် ဗတ္တိဇံနည်းနာနိဿယနှင့် နည်းလမ်းကို သွန်သင်၏—ရန်တွေ့ခြင်းစိတ်သဘောသည် နတ်ဆိုး၏ အရာဖြစ်၏—ခရစ်တော်၏ဩဝါဒမှာ၊ လူသားတို့ယုံကြည်လျက် ဗတ္တိဇံခံ၍၊ သန့်ရှင်းသောဝိညာဉ်တော်ကို လက်ခံရရှိရမည့်အကြောင်းဖြစ်၏။ အေဒီ ၃၄ ခန့်။
အခန်းကြီး ၁၂
ယေရှုသည် တပည့်တော်တစ်ဆယ်နှစ်ပါးကို ခေါ်တော်မူ၍၊ အခွင့်အရာပေးတော်မူ၏—သူသည် နီဖိုင်းအမျိုးသားတို့အား တောင်ပေါ်ဒေသနာကဲ့သို့သောတရားကို ဟောကြားတော်မူ၏—သူသည် ကောင်းချီးမင်္ဂလာတရားများကို ဟောကြား၏—သူ၏သွန်သင်ခြင်းတို့သည် မောရှေ၏ပညတ်တရားထက် သာလွန်ပြီးလျှင်၊ ပို၍ အရေးကြီး၏—လူသားတို့ကို၊ သူနှင့် သူ၏ခမည်းတော် စုံလင်သည်နည်းတူ စုံလင်ကြစေရန် မိန့်တော်မူ၏—မဿဲအခန်းကြီး ၅ နှင့် နှိုင်းယှဉ်ပါ။ အေဒီ ၃၄ ခန့်။
အခန်းကြီး ၁၃
ယေရှုသည် နီဖိုင်းအမျိုးသားတို့အား ကိုယ်တော်ရှင်၏ဆုတောင်းခြင်းကို သွန်သင်၏—သူတို့သည် ကောင်းကင်ဘုံ၌ ဘဏ္ဍာများကို သိုထားရကြမည်—တပည့်တော်တစ်ဆယ်နှစ်ပါးတို့သည် မိမိတို့အမှုတော်ဆောင်ခြင်း၌ ဇာတိပကတိအရာတို့အတွက် မစိုးရိမ်ရန် မိန့်တော်မူခံရ၏—မဿဲအခန်းကြီး ၆ နှင့် နှိုင်းယှဉ်ပါ။ အေဒီ ၃၄ ခန့်။
အခန်းကြီး ၁၄
ယေရှုသည် တရားမစီရင်ရန်၊ ဘုရားသခင်ထံမှ တောင်းရန်၊ မိစ္ဆာပရောဖက်တို့ကို သတိပြုကြရန် မိန့်မှာ၏—သူသည် ဘုရားသခင်၏အလိုတော်ကိုဆောင်သောသူတို့အား ကယ်တင်ခြင်းကို ကတိထားတော်မူ၏—မဿဲအခန်းကြီး ၇ နှင့် နှိုင်းယှဉ်ပါ။ အေဒီ ၃၄ ခန့်။
အခန်းကြီး ၁၅
ယေရှုသည် မိမိအားဖြင့် မောရှေ၏ပညတ်တရား ပြီးပြည့်စုံပြီဖြစ်ကြောင်းကို ကြေညာ၏—နီဖိုင်းအမျိုးသားတို့သည်ကား၊ ယေရုရှလင်မြို့၌ရှိသည့် သူဟောပြောသည့် အခြားသောသိုးများ ဖြစ်ကြ၏—ဒုစရိုက်ကြောင့်၊ ယေရုရှလင်မြို့၌ရှိသည့် ကိုယ်တော်ရှင်၏လူမျိုးတို့သည် ဣသရေလအမျိုး၏ ကွဲပြားပြန့်ကျဲသောသိုးများအကြောင်းကို မသိကြ။ အေဒီ ၃၄ ခန့်။
အခန်းကြီး ၁၆
ယေရှုသည် ဣသရေလအမျိုးသားတို့ထံမှ ပျောက်ဆုံးသည့် အခြားသောသိုးများသို့ အကြည့်အရှု ကြွတော်မူမည်—နောက်ပိုင်းကာလများ၌၊ ဧဝံဂေလိတရားတော်သည် တပါးအမျိုးသားတို့ထံသို့၊ ထို့နောက်တွင် ဣသရေလအမျိုးသားတို့ထံသို့ ရောက်လိမ့်မည်—ကိုယ်တော်ရှင်၏လူမျိုးတို့သည် သူဇိအုန်မြို့ကို ပြန်လည်တည်ရှိစေတော်မူသောအခါ၊ ကိုယ်တိုင်မြင်ရကြလိမ့်မည်။ အေဒီ ၃၄ ခန့်။
အခန်းကြီး ၁၇
ယေရှုသည် လူတို့အား မိမိ၏စကားများကို မှတ်ကျုံး၍ စဉ်းစားဆင်ခြင်ကြရန်နှင့် နားလည်ရန်အတွက် ဆုတောင်းကြရန် ညွှန်ကြား၏—ထိုသူတို့၏ ဖျားနာသောသူများကို အနာကင်းစေ၏—သူသည် ရေး၍မရနိုင်သော ဘာသာစကားဖြင့် လူတို့အတွက် ဆုတောင်း၏—ကောင်းကင်တမန်တို့သည် ထိုသူတို့၏ကလေးသူငယ်တို့ကို အမှုတော်ဆောင်၏၊ မီးကလည်း ဝိုင်းပတ်ထား၏။ အေဒီ ၃၄ ခန့်။
အခန်းကြီး ၁၈
ယေရှုသည် နီဖိုင်းအမျိုးသားတို့၌ ပွဲတော်ကို တည်ထောင်၏—သူတို့သည် သူ၏နာမတော်အားဖြင့် အစဉ်အမြဲဆုတောင်းကြရန် မိန့်မှာခံရ၏—မထိုက်တန်ဘဲနှင့် သူ၏ကိုယ်ခန္ဓာတော်ကို စားသုံးသောသူတို့နှင့် သူ၏အသွေးတော်ကို သောက်သောသူတို့သည် ပြစ်ဒဏ်ချမှတ်ခံရ၏—တပည့်တော်တို့သည် သန့်ရှင်းသောဝိညာဉ်တော်ကို အပ်နှင်းရန် တန်ခိုးကို ရရှိကြ၏။ အေဒီ ၃၄ ခန့်။
အခန်းကြီး ၁၉
တပည့်တော်တစ်ဆယ်နှစ်ပါးသည် လူတို့ကို အမှုတော်ဆောင်၍၊ သန့်ရှင်းသောဝိညာဉ်တော်ကို ရရှိစေခြင်းငှာ ဆုတောင်းကြ၏—တပည့်တော်တို့သည် ဗတ္တိဇံခံကြ၍၊ သန့်ရှင်းသောဝိညာဉ်တော်နှင့် ကောင်းကင်တမန်များအမှုတော်ဆောင်ခြင်းကို လက်ခံရရှိကြ၏—ယေရှုသည် ရေးမရနိုင်သော စကားများဖြင့် ဆုတောင်း၏—သူသည် ဤနီဖိုင်းအမျိုးသားတို့၏ အလွန်ကြီးစွာသော ယုံကြည်ခြင်းကို သက်သေပြ၏။ အေဒီ ၃၄ ခန့်။
အခန်းကြီး ၂၀
ယေရှုသည် မုန့်နှင့် စပျစ်ရည်ကို အလွန်တရာအံ့ဩဖွယ်ကောင်းစွာ ပေးသနားတော်မူပြီးလျှင်၊ လူတို့ထံ ပွဲတော်ကို တစ်ဖန်စီမံဆောင်ရွက်တော်မူ၏—ယာကုပ်အမျိုး၏ ကျန်ကြွင်းသောသူတို့သည် သူတို့၏ဘုရားသခင်ကိုယ်တော်ရှင်အကြောင်းကို သိခြင်းပညာသို့ ရောက်ကြလိမ့်မည်၊ အမေရိကကိုလည်း အမွေခံကြလိမ့်မည်—ယေရှုသည် မောရှေကဲ့သို့ ပရောဖက်တစ်ပါး ဖြစ်တော်မူ၏၊ နီဖိုင်းအမျိုးသားတို့သည်လည်း ပရောဖက်တို့၏ အမျိုးအနွယ်များ ဖြစ်ကြ၏—ကိုယ်တော်ရှင်၏ အခြားသောလူမျိုးတို့သည် ယေရုရှလင်မြို့သို့ စုဝေးကြလိမ့်မည်။ အေဒီ ၃၄ ခန့်။
အခန်းကြီး ၂၁
ဣသရေလအမျိုးတို့သည်မော်မုန်ကျမ်းထွက်ပေါ်လာသောအခါ စုဝေးကြလိမ့်မည်—တပါးအမျိုးသားတို့ကို လွတ်လပ်သောလူမျိုးအဖြစ် အမေရိက၌ တည်ထောင်လိမ့်မည်။ သူတို့သည် ယုံကြည်ပြီး၊ နာခံလျှင် ကယ်တင်ခြင်းသို့ ရောက်ကြလိမ့်မည်။ သို့မဟုတ်လျှင်၊ ပယ်ရှင်းခံရပြီး၊ ဖျက်ဆီးခံရကြမည်—ဣသရေလအမျိုးတို့သည် ယေရုရှလင်မြို့သစ်ကို တည်ဆောက်ကြလိမ့်မည်—ပျောက်ဆုံးသောမျိုးနွယ်စုတို့လည်း ပြန်လာကြလိမ့်မည်။ အေဒီ ၃၄ ခန့်။
အခန်းကြီး ၂၂
နောက်ဆုံးသောကာလ၌၊ ဇိအုန်နှင့် ၎င်း၏ပန္နက်များကို တည်ထောင်လိမ့်မည်။ ဣသရေလအမျိုးတို့သည် ကရုဏာတော်နှင့် နူးညံ့မှုတို့ဖြင့် စုဝေးကြလိမ့်မည်—သူတို့သည် အောင်နိုင်ကြလိမ့်မည်—ဟေရှာယအခန်းကြီး ၅၄ နှင့် နှိုင်းယှဉ်ပါ။ အေဒီ ၃၄ ခန့်။
အခန်းကြီး ၂၃
ယေရှုသည် ဟေရှာယ၏စကားများကို အတည်ပြု၏—သူသည် လူတို့အား ပရောဖက်တို့ကို ရှာကြရန် မိန့်မှာ၏—ရှင်ပြန်ထမြောက်ခြင်းအကြောင်း လာမန်အမျိုးသားရှမွေလ၏စကားများကို သူတို့၏မှတ်တမ်း၌ ထပ်၍ရေး၏။ အေဒီ ၃၄ ခန့်။
အခန်းကြီး ၂၄
ကိုယ်တော်ရှင်၏တမန်တော်သည် ဒုတိယအကြိမ်ကြွလာတော်မူခြင်းအတွက် လမ်းကို ပြင်ဆင်လိမ့်မည်—ခရစ်တော်သည် တရားစီရင်တော်မူရာ၌ ထိုင်တော်မူလိမ့်မည်—ဣသရေလအမျိုးတို့သည် ဆယ်ဖို့တစ်ဖို့နှင့် ပူဇော်သက္ကာတို့ကို ပေးရန် မိန့်မှာခံရ၏—အောက်မေ့ဖွယ်ရာစာအုပ်ကို သိမ်းဆည်းထား၏—မာလခိအခန်းကြီး ၃ နှင့် နှိုင်းယှဉ်ပါ။ အေဒီ ၃၄ ခန့်။
အခန်းကြီး ၂၅
ဒုတိယအကြိမ် ကြွလာတော်မူသောအခါ၌ မာနကြီးသောသူနှင့် ဆိုးညစ်သောသူတို့သည် ရိုးပြတ်ကဲ့သို့ လောင်မြိုက်ခံရလိမ့်မည်—ဧလိယသည် ထိုကြီးစွာသောကြောက်မက်ဖွယ်နေ့ရက်မတိုင်မီ ပြန်လာလိမ့်မည်—မာလခိ အခန်းကြီး ၄ နှင့် နှိုင်းယှဉ်ပါ။ အေဒီ ၃၄ ခန့်။
အခန်းကြီး ၂၆
ယေရှုသည် အရာခပ်သိမ်းတို့ကို အစမှ အဆုံးအထိရှင်းပြ၏—ကလေးငယ်များနှင့် သူငယ်တို့သည် ရေး၍မရနိုင်သည့်အရာတည်းဟူသော အံ့ဩဖွယ်ကောင်းသောအရာတို့ကို ပြောဆိုကြ၏—ခရစ်တော်၏အသင်းတော်မှ လူတို့သည် မိမိတို့၌ ခပ်သိမ်းသောအရာတို့ကို အများပိုင်အဖြစ်ထား၍ အသုံးပြုကြ၏။ အေဒီ ၃၄ ခန့်။
အခန်းကြီး ၂၇
ယေရှုသည် သူတို့အား အသင်းတော်ကို သူ၏နာမတော်အားဖြင့် ခေါ်ရန် မိန့်မှာ၏—သူ၏သာသနာပြုခြင်းနှင့် အပြစ်ဖြေခြင်းယဇ်တို့ဖြင့် သူ၏ဧဝံဂေလိတရားတော်ကို ဖွဲ့စည်းတည်ထောင်၏—လူသားတို့သည် သန့်ရှင်းသောဝိညာဉ်တော်အားဖြင့် သန့်ရှင်းစင်ကြယ်နိုင်စေခြင်းငှာ နောင်တရ၍၊ ဗတ္တိဇံခံရန် မိန့်မှာခံရ၏—သူတို့သည် ယေရှုကဲ့သို့ပင် ဖြစ်ရမည်။ အေဒီ ၃၄–၃၅ ခန့်။
အခန်းကြီး ၂၈
တပည့်တော် တစ်ဆယ်နှစ်ပါးမှ ကိုးပါးသည် အလိုရှိကြ၍၊ သူတို့သေသောအခါတွင် ခရစ်တော်၏နိုင်ငံတော်၌ အမွေခံရာ ကတိတော်ကို ရရှိကြ၏—နီဖိုင်းအမျိုးသားသုံးဦးသည် အလိုရှိကြ၍၊ သေခြင်းကိုအောင်နိုင်သော တန်ခိုးကိုရရှိကြသဖြင့်၊ ယေရှုတစ်ဖန် ကြွလာတော်မူသည့်တိုင်အောင် မြေကြီးပေါ်မှာ ဆက်၍နေနိုင်ကြ၏—သူတို့သည် ဘဝပြောင်း၍၊ မပြောအပ်သောအရာတို့ကို မြင်ကြ၏၊ ယခုတွင် လူတို့၌ အမှုတော်ဆောင်လျက်ရှိ၏။ အေဒီ ၃၄–၃၅ ခန့်။
အခန်းကြီး ၂၉
မော်မုန်ကျမ်းထွက်ပေါ်လာခြင်းသည် ကိုယ်တော်ရှင် ဣသရေလအမျိုးတို့ကို စုဝေး၍၊ သူ၏ပဋိညာဉ်ကို ပြီးပြည့်စုံစေခြင်းငှာ စတင်တော်မူသည့်အကြောင်း နိမိတ်လက္ခဏာဖြစ်၏—သူ၏နောက်ပိုင်းကာလ ဗျာဒိတ်တော်များနှင့် ဆုကျေးဇူးတို့ကို ငြင်းပယ်သူတို့သည် အကျိန် ခံရလိမ့်မည်။ အေဒီ ၃၄–၃၅ ခန့်။
အခန်းကြီး ၃၀
နောက်ပိုင်းကာလတပါးအမျိုးသားတို့သည် နောင်တရ၍၊ ခရစ်တော်ထံသို့လာပြီးလျှင်၊ ဣသရေလအမျိုးသားတို့နှင့်အတူ ရေတွက်ခံရရန် မိန့်တော်မူခြင်းကို ခံရကြ၏။ အေဒီ ၃၄–၃၅ ခန့်။