۱ دیکھو، تُمھارے درمیان میں تارِیخ لِکھی جائے گی؛ اور اُس میں تُو خُدا باپ کی مرضی، اور اپنے خُداوند یِسُوع مسِیح کے فضل سے کلِیسیا کا غیب بین، مترجم، نبی، یِسُوع مسِیح کا رسُول، اور بُزرگ بُلایا جائے گا،

۲ رُوحُ القُدس سے اِلہام پا کر اُس کی بُنیاد رکھنا، اور پاک ترین اِیمان پر اُس کی تعمیر کرنا۔

۳ جو کلِیسیا تُمھارے خُداوند کے اٹھارہ سو تیسویں برس کے چوتھے مہینے، جو اَپریل کہلاتا ہے، اور اُس مہینے کے چھٹے روز مُنَظّم اور قائم کی گئی۔

۴ پَس، تُم، یعنی کلِیسیا، اُس کی ساری باتوں اور حُکموں پر دھیان دے جو وہ تُمھیں دے گا جَیسے وہ اُنھیں پاتا ہے، میرے سامنے ساری پاکیزگی میں چلتے ہُوئے؛

۵ پَس تُم اُس کے کلام کو پُورے صبر اور اِیمان کے ساتھ یُوں قَبُول کرو گے، جَیسے کہ وہ خُود میرے مُنہ سے نِکلا ہو۔

۶ پَس اِن باتوں پر عمل کرنے سے جہنم کے دروازے تُم پر غالِب نہ آئیں گے؛ ہاں، اور خُداوند خُدا تارِیکی کی طاقتوں کو تُمھارے سامنے سے پراگندہ کرے گا، اور تُمھاری بھلائی اور اپنے نام کے جلال کے لیے آسمانوں کو ہلانے کا سبب ہو گا۔

۷ پَس خُداوند خُدا یُوں فرماتا ہے: اُسے مَیں نے اِلہام عطا کِیا ہے کہ بڑی ہمت سے صِیُّون کے دعویٰ کو بھلائی کی خاطر بڑھائے، اور اُس کی جاں فِشانی مَیں جانتا ہُوں، اور اُس کی دُعائیں مَیں نے سُنی ہیں۔

۸ ہاں، صِیُّون کے لیے اُس کا رونا مَیں دیکھ چُکا ہُوں، اور مَیں سبب بناؤں گا کہ وہ اُس کے لیے اور نہ روئے، پَس اُس کے گُناہوں کی مُعافی پر اُس کی شادمانی کے دِن آ پہنچے ہیں، اور اُس کے کاموں پر میری برکتوں کے ظُہُور نازِل ہُوئے ہیں۔

۹ پَس، دیکھو، مَیں اُن سب کو جو میرے تاکِستان میں کام کرتے ہیں بڑی برکت دُوں گا، اور وہ اُس کے کلام پر یقین کریں گے، جو اُسے مددگار کے وسِیلے سے مَیں نے دیے ہیں، جو ظاہر کرتا ہے کہ یِسُوع دُنیا کے گُناہوں کے واسطے گُناہ گار آدمیوں سے مصلُوب ہوا، ہاں، اِس لیے کہ شِکستہ دِل گُناہوں کی مُعافی پائیں۔

۱۰ پَس یہ میرے لیے ضروری ہے کہ وہ تُجھ، اولیور کاؤڈری میرے رسُول سے تَقرُّری پائے؛

۱۱ یہ تُمھارے لیے دستُور ہے، کہ تُو اُس کے ہاتھ تلے بُزرگ مُقرّر ہو، وہ تیرے لیے اَوّل ہے، تاکہ تُو مسِیح کی اِس کلِیسیا کے لیے بُزرگ ہو، جو میرے نام کی متحمل ہے—

۱۲ اور اِس کلِیسیا میں کلِیسیا کے لیے، اور دُنیا کے سامنے پہلے مُناد ہو؛ ہاں، غیر قَوموں کے سامنے، یہُودیوں کے لیے بھی، ہاں، خُداوند خُدا یُوں فرماتا ہے، نظر کرو، نظر کرو۔ آمین۔