۱ درحقیقت، خُداوند تُجھ سے یُوں فرماتا ہے میرے خادِم اسٹیفن برنیٹ:تُو جا، تُو دُنیا میں جا اور ہر مَخلُوق تک جو تیری آواز سُن سکے اِنجِیل کی مُنادی کر۔

۲ اور چُوں کہ تُو نے رفیق کار کا مانگا ہے، مَیں تُجھے اپنا خادِم ایڈن سمِتھ دُوں گا۔

۳ پَس، جا اور میری اِنجِیل کی مُنادی کر، چاہے شمال کو یا جنُوب کو، مشرِق کو یا مغرب کو، اِس سے کوئی فرق نہیں پڑتا، کیوں کہ تُو کوتاہی نہیں کر سکتا۔

۴ پَس، اُن چِیزوں کی مُنادی کر جو تُو نے سُنی ہیں، اور حقیقت میں اِیمان لایا ہے، اور جانتا ہے کہ سچّی ہیں۔

۵ دیکھ، یہ اُس کی مرضی ہے جِس نے تُجھے بُلایا ہے، تیرا مُخلصی دینے والا، یعنی یِسُوع مسِیح۔ آمین۔