1 Լսեք, ո՜վ դուք, ժողովուրդնե՛ր, և բաց արեք ձեր սրտերն ու ականջ դրեք հեռվից. և ուշք դարձրեք, դո՛ւք, որ ձեզ կոչում եք Տիրոջ ժողովուրդ, և լսեք Տիրոջ խոսքը և նրա կամքը ձեր վերաբերյալ:

2 Այո՛, ճշմարիտ ասում եմ. Լսեք ձայնը նրա, ում բարկությունը բռնկված է ընդդեմ ամբարիշտներն ու ապստամբները.

3 Ով կամենում է վերցնել նրանց, ում վերցնում է, և պահպանում է նրանց կյանքը, ում կամենում է պահպանել.

4 Ով կառուցում է իր սեփական կամքով ու հաճությամբ. և կործանում է, երբ հաճո է իրեն, և ի զորու է հոգին գցել վար՝ դժոխք:

5 Ահա, ես՝ Տերս, արձակում եմ իմ ձայնը, և նրան պետք է հնազանդվել:

6 Ուստի, ճշմարիտ ասում եմ, թող ամբարիշտներն զգուշանան, և թող ապստամբները վախենան ու դողան. և թող անհավատները փակեն իրենց շուրթերը, քանզի ցասման օրը պիտի գա նրանց վրա, ինչպես մի պտտահողմ, և ամեն մարմին պիտի իմանա, որ ես Աստված եմ:

7 Եվ նա, ով փնտրում է նշաններ, պիտի տեսնի նշաններ, բայց ոչ փրկության համար:

8 Ճշմարիտ ասում եմ ձեզ, ձեր մեջ կան ոմանք, ովքեր նշաններ են փնտրում, և նույնիսկ ի սկզբանե այդպիսիք եղել են:

9 Բայց, ահա, հավատքը չի գալիս նշաններով, այլ նշաններն ուղեկցում են նրանց, ովքեր հավատում են:

10 Այո, նշանները գալիս են հավատքով, ոչ մարդկանց կամքով, ոչ էլ նրանց հաճությամբ, այլ Աստծո կամքով:

11 Այո՛, նշանները գալիս են զորավոր գործերի հանդեպ հավատքով, քանզի առանց հավատքի ոչ ոք հաճո չէ Աստծուն. և ում վրա Աստված բարկացած է, նրան չի հավանում. ուստի, այդպիսիներին նա նշաններ ցույց չի տալիս, միայն իր ցասման մեջ՝ ի դատապարտումն նրանց:

12 Ուստի, ես՝ Տերս, չեմ հավանում ձեր միջից նրանց, ովքեր նշաններ ու զարմանալիքներ են փնտրում հավատքի համար, և ոչ մարդկանց բարիքի համար՝ ի փառս ինձ:

13 Այնուամենայնիվ, ես տալիս եմ պատվիրաններ, և շատերն են շրջվել իմ պատվիրաններից ու չեն պահել դրանք:

14 Ձեր մեջ շնացող տղամարդիկ և կանայք կային. նրանցից ոմանք շրջվել են ձեզանից, իսկ մյուսները դեռ ձեզ հետ են, որոնք հետագայում հայտնի պիտի դառնան:

15 Թող այդպիսիք զգուշանան և անհապաղ ապաշխարեն, չլինի թե դատաստանը որոգայթի պես իջնի նրանց վրա, և նրանց անմտությունը հայտնի դարձվի, և նրանց գործերը գնան իրենց հետևից՝ ժողովրդի աչքի առաջ:

16 Եվ ճշմարիտ ասում եմ ձեզ, ինչպես ասել եմ նախկինում. Նա, ով նայում է մի կնոջ վրա ցանկանալով նրան, կամ, եթե մարդիկ շնություն անեն իրենց սրտում, նրանք չեն ունենա Հոգին, այլ կուրանան հավատքը և վախ կունենան:

17 Ուստի, ես՝ Տերս, ասել եմ, որ վախկոտները, և անհավատները, և բոլոր ստախոսները, և ովքեր սիրում և գործում են խաբեություն, և անառակները, և կախարդները, իրենց բաժինը կունենան այն լճում, որը վառվում է կրակով և ծծմբով, որը երկրորդ մահն է:

18 Ճշմարիտ եմ ասում, որ նրանք բաժին չեն ունենա առաջին հարության մեջ:

19 Եվ արդ, ահա, ես՝ Տերս, ասում եմ ձեզ, որ դուք արդարացված չեք, քանի որ այս բաները ձեր մեջ են:

20 Այնուամենայնիվ, նա, ով համբերում է հավատքով և կատարում է իմ կամքը, նա պիտի հաղթի, և ժառանգություն պիտի ստանա երկրի վրա, երբ կերպարանափոխման օրը գա.

21 Երբ որ երկիրը կկերպարանափոխվի, ճիշտ այն օրինակով, որ ցույց տրվեց իմ առաքյալներին սարի վրա. որի պատմության ամբողջությունը դուք դեռ չեք ստացել:

22 Եվ արդ, ճշմարիտ ասում եմ ձեզ, որ ինչպես ես ասացի, որ ես իմ կամքը ձեզ հայտնի կդարձնեմ, ահա, ես այն ձեզ հայտնի կդարձնեմ, բայց ոչ պատվիրանի ձևով, քանզի շատերը կան, ովքեր չեն հետևում, որ պահեն իմ պատվիրանները:

23 Բայց նրան, ով պահում է իմ պատվիրանները, ես կպարգևեմ իմ արքայության խորհուրդները, որոնք նրանում կլինեն դեպի հավիտենական կյանք բխող կենդանի ջրի աղբյուր:

24 Եվ արդ, ահա, սա է Տիրոջ՝ ձեր Աստծո կամքն իր սրբերի վերաբերյալ, որ նրանք պետք է միասին ժողովվեն Սիոնի հողում, առանց շտապողականության, որ չլինի խառնաշփոթություն, որը ժանտախտ է բերում:

25 Ահա, Սիոնի հողը,– ես՝ Տերս, այն պահում եմ իմ ձեռքերում.

26 Այնուամենայնիվ, ես՝ Տերս, Կայսրին եմ տալիս այն ամենն, ինչը Կայսրինն է:

27 Ուստի, ես՝ Տերս, կամենում եմ, որ դուք հողեր գնեք, որ կարողանաք առավելություն ունենալ աշխարհից, որ կարողանաք իրավունք ունենալ աշխարհի վրա, որպեսզի նրանք չդրդվեն բարկության:

28 Քանզի Սատանան դրել է նրանց սրտերում, որ բարկանան ձեր վրա, և որ արյուն թափեն:

29 Ուստի, Սիոնի հողը ձեռք չի բերվի, բայց միայն գնելով կամ արյունով, հակառակ դեպքում՝ չկա ոչ մի ժառանգություն ձեզ համար:

30 Եվ եթե գնելով, ահա, օրհնված եք դուք:

31 Իսկ եթե արյունով, քանի որ ձեզ արգելված է արյուն թափել, ահա, ձեր թշնամին վրա է հասել, և դուք պիտի հետապնդվեք քաղաքից քաղաք, և ժողովարանից ժողովարան, և միայն քչերը կանգուն կմնան, որ ժառանգություն ստանան:

32 Ես՝ Տերս, բարկացած եմ ամբարիշտների վրա. ես ետ եմ պահում իմ Հոգին երկրի բնակիչներից:

33 Ես երդվել եմ իմ ցասման մեջ, և պատերազմներ եմ հրամանագրել երկրի երեսին, և ամբարիշտները պիտի սպանեն ամբարիշտներին, և վախ պիտի գա ամեն մարդու վրա.

34 Եվ սրբերը ևս դժվարությամբ խույս կտան. այնուամենայնիվ, ես՝ Տերս, նրանց հետ եմ, և կիջնեմ երկնքի մեջ, իմ Հոր ներկայությունից, և կայրեմ ամբարիշտներին անշեջ կրակով:

35 Եվ ահա, սա դեռևս չի եղել, բայց մոտ է:

36 Ուստի, տեսնելով, որ ես՝ Տերս, հրամանագրել եմ բոլոր այս բաները երկրի երեսին, ես կամենում եմ, որ իմ սրբերը ժողովվեն Սիոնի հողի վրա.

37 Եվ որ ամեն մարդ արդարություն պիտի վերցնի իր ձեռքում և հավատարմություն իր մեջքին, և զգուշացման ձայն բարձրացնի երկրի բնակիչների համար. և հայտարարի և՛ խոսքով, և՛ փախուստով, որ ամայացում պիտի գա ամբարիշտների վրա:

38 Ուստի, իմ աշակերտները, ովքեր ապրում են այդ ագարակում՝ Կիրթլենդում, թող կարգավորեն իրենց աշխարհիկ հոգսերը:

39 Թող իմ ծառա Տիտոս Բիլլինգսը, որի վրա է դրա խնամքը, ազատվի այդ հողից, որ պատրաստ լինի գալիք գարնանը ճամփա ընկնել դեպի Սիոնի հողը, նրանց հետ, ովքեր բնակվում են այնտեղ, բացառելով նրանց, որոնց ես կպահպանեմ ինձ համար, ովքեր չեն գնա, մինչև ես չպատվիրեմ նրանց:

40 Եվ թող բոլոր դրամը, որը հնարավոր է տնտեսել, նշանակություն չունի՝ քիչ է, թե շատ, ուղարկվի Սիոնի հողը, նրանց համար, ում ես նշանակել եմ, որ ստանան:

41 Ահա, ես՝ Տերս, զորություն կտամ իմ ծառա Ջոզեֆ Սմիթ կրտսերին, որ նա ի զորու լինի Հոգու միջոցով զանազանել նրանց, ովքեր պիտի գնան Սիոնի հողը, և իմ աշակերտներից նրանց, ովքեր պիտի մնան:

42 Թող իմ ծառա Նյուել Ք. Ուիթնին իր վաճառատունը, կամ, ավելի ճիշտ, վաճառատունը, պահպանի մի փոքր ժամանակ ևս:

43 Այնուամենայնիվ, թող նա բաժին հանի բոլոր դրամը, որ կարող է բաժին հանել, Սիոնի հող ուղարկվելու համար:

44 Ահա, այդ բաներն իր ձեռքում են, թող նա վարվի ըստ իմաստության:

45 Ճշմարիտ ասում եմ. Թող նա գործակալ կարգվի այն աշակերտների համար, ովքեր պիտի մնան, և թող նա կարգվի այս զորությանը.

46 Եվ արդ, իմ ծառա Օլիվեր Քաուդերիի հետ անհապաղ այցելիր եկեղեցիները՝ մեկնաբանելով նրանց այս բաները: Ահա, դա է իմ կամքը, և դրամ հայթայթիր, ճիշտ ինչպես ես եմ հրահանգել:

47 Նա, ով հավատարիմ է, և համբերում է, կհաղթի աշխարհին:

48 Նա, ով գանձեր է ուղարկում Սիոնի հողը, ժառանգություն կստանա այս աշխարհում, և նաև վարձք՝ գալիք աշխարհում, և նրա գործերը կգնան նրա հետևից:

49 Այո՛, և օրհնված են մեռելները, որոնք մեռնում են առ Տերը, այսուհետև, երբ Տերը գա, և հին բաներն անցնեն, և բոլոր բաները դառնան նոր, նրանք կբարձրանան մեռելներից և հետո չեն մեռնի, և ժառանգություն կստանան Տիրոջ առաջ, սուրբ քաղաքում:

50 Եվ նա, ով ապրում է, երբ Տերը գա, և պահպանել է հավատքը, օրհնված է նա. այնուամենայնիվ, նշանակված է, որ նա մահանա մարդու տարիքում:

51 Ուստի, երեխաները պիտի մեծանան, մինչև որ ծերանան. ծերերը կմահանան. սակայն նրանք չեն ննջի հողի մեջ, այլ կփոխվեն մի ակնթարթում:

52 Ուստի, դրա համար էին առաքյալներն աշխարհին քարոզում մեռելների հարությունը:

53 Սրանք են այն բաները, որոնք դուք պետք է ակնկալեք. և, խոսելով Տիրոջ ձևով, դրանք այժմ մոտ են՝ առ ձեռն, և գալիք ժամանակներում են, այսինքն՝ Մարդու Որդու գալստյան օրը:

54 Իսկ մինչև այդ ժամը, կլինեն հիմար կույսեր՝ իմաստունների մեջ. և այդ ժամին գալիս է արդարների և ամբարիշտների լիովին առանձնացումը. և այդ օրը ես կուղարկեմ իմ հրեշտակներին՝ արմատախիլ անելու ամբարիշտներին և անշեջ կրակը գցելու նրանց:

55 Եվ այժմ, ահա, ճշմարիտ ասում եմ ձեզ, ես՝ Տերս, չեմ հավանում իմ ծառա Սիդնի Ռիգդոնին. նա իրեն բարձրացրել է իր սրտում, և խորհուրդ չի ընդունել, այլ տրտմեցրել է Հոգին.

56 Ուստի նրա գրվածքն ընդունելի չէ Տիրոջ համար, և նա պետք է պատրաստի մեկ ուրիշը. և եթե Տերը դա էլ չընդունի, ահա, նա այլևս չի կանգնի այն պաշտոնում, որին նրան նշանակել եմ:

57 Եվ բացի այդ, ճշմարիտ ասում եմ ձեզ, որ նրանք, ովքեր իրենց սրտերում փափագում են, հեզությամբ, որ զգուշացնեն մեղավորներին՝ ապաշխարել, թող նրանք կարգվեն այդ զորությանը:

58 Քանզի սա զգուշացման օր է, և ոչ թե շատ խոսքերի օր: Քանզի ես՝ Տերս, չպետք է ծաղրվեմ վերջին օրերին:

59 Ահա, ես վերևից եմ, և իմ զորությունը սփռված է ներքևում: Ես բոլորի վրա եմ, և բոլորի մեջ, և բոլորի միջով, և բոլոր բաները քննում եմ, և գալիս է օրը, երբ բոլոր բաները ենթակա կլինեն ինձ:

60 Ահա, ես Ալֆան եմ և Օմեգան, այսինքն՝ Հիսուս Քրիստոսը:

61 Ուստի, թող բոլոր մարդիկ զգուշանան, թե ինչպես են գործածում իմ անունն իրենց շուրթերով,–

62 Քանզի ահա, ճշմարիտ ասում եմ, որ շատերը կան, որոնք այս դատապարտության տակ են, որոնք օգտագործում են Տիրոջ անունը, և դա անում են իզուր՝ չունենալով իշխանություն:

63 Ուստի, թող եկեղեցին ապաշխարի իր մեղքերից, և ես՝ Տերս, իմը կդարձնեմ նրանց. այլապես, նրանք պիտի կտրվեն:

64 Հիշե՛ք, որ այն, ինչ գալիս է վերևից, սրբազան է, և պետք է խոսվի զգուշությամբ, և Հոգու դրդմամբ. և դրանում չկա դատապարտություն, և Հոգին դուք կստանաք աղոթքի միջոցով. ուստի, առանց դրա դատապարտությունը մնում է:

65 Թող իմ ծառաները՝ Ջոզեֆ Սմիթ կրտսերը և Սիդնի Ռիգդոնը, իրենց համար տուն փնտրեն, ինչպես նրանք կուսուցանվեն Հոգու կողմից՝ աղոթքի միջոցով:

66 Այս բաները մնում են, որ համբերությամբ հաղթահարվեն, որ այդպիսիք կարողանան ստանալ փառքի ավելի գերազանց և հավերժական կշիռ, այլապես՝ ավելի մեծ դատապարտություն: Ամեն: