፩ በእውነትም ጌታ እንዲህ ይላልና፣ እስከ ጉባኤ ድረስ ወንጌሌን በመስበክ፣ እናም በአካባቢው ዙሪያ የሚገኙትን ቤተክርስቲያኖችን በማበረታታት ይቀጥሉ ዘንድ ፍቃዴ ነው፤

፪ እና ከዚያም፣ እነሆ፣ በጉባኤው ድምፅ የተለያዩት ተልዕኮአቸው ምን እንደሆኑም ይገለፅላቸዋል።

፫ አሁንም፣ እውነት እላችኋለሁ፣ አገልጋዮቼ ጆሴፍ ስሚዝ ዳግማዊ እና ስድኒ ሪግደን፣ ጌታም እንዲህ ይላል፣ ዳግም መተርጎም የሚያስፈልግበት ጊዜ ነው፤

፬ እናም፣ በተቻለ መጠን፣ እስከ ጉባኤው ድረስም በአካባቢው ዙሪያ ውስጥ ስበኩ፤ እናም ከዚያም ይህም እስኪገባደድ ድረስ የትርጉምን ስራ መቀጠላችሁ አስፈላጊ ነው።

፭ እናም ተጨማሪ እውቀቶች እስከሚሰጣቸው ድረስ፣ እንዲሁም እንደተጻፈው፣ ይህም ለሽማግሌዎች ምሳሌ ይሁን።

፮ አሁን ምንም ተጨማሪ በዚህ ጊዜ አልሰጣችሁም። ወገባችሁን ታጠቁ እናም በመጠን ኑሩ። እንዲህም ይሁን። አሜን።