፩ እናም ጌታ እንዲህ ሲል ተናገረኝ፥ የምወድህ ዮሐንስ ሆይ፣ ምንን ትሻለህ? የፈለግኸውን ብትጠይቅ እሱም ይሰጥኃል።

፪ እናም እኔም እንዲህ አልኩት፥ ጌታ እንድኖርና ነፍሳትን ወደ አንተ እንዳመጣ በሞት ላይ ስልጣንን ስጠኝ አልኩት።

፫ እናም ጌታም እንዲህ ይላልኝ፥ እውነት፣ እውነት፣ እልሀለሁ፣ ይህንን ስለፈለግህ እኔ በክብር እስክመጣ ድረስ ትኖራለህ እናም በሀገሮች፣ በነገዶች፣ በቋንቋዎች፣ እና በህዝብም ፊት ትተነብያለህ።

፬ በዚህም ምክንያት ጌታ ጴጥሮስን እንዲህ ይላልው፥ እኔ እስክመጣ እንዲኖር ብፈቅድ ያ ለአንተ ምንድን ነው? እርሱ ወደ እኔ ነፍሳትን ለማምጣት ፈልጓል፣ ነገር ግን አንተ በቶሎ ወደ እኔ በመንግስቴ መምጣትን ፈልገሀል።

፭ ጴጥሮስምሆይ ለአንተ እንዲህ እልሀለሁ፣ ይህ መልካም ፈቃድ ነበር፤ ነገር ግን የምወደው እርሱ ተጨማሪ፣ ወይም ቀደም ብሎ ካደረገው የበለጠ ስራ በሰዎች መካከል ያደርግ ዘንድ ፈለገ።

፮ አዎን፣ ታላቅ የሆነን ስራ ወስዷል፤ ስለዚህ እንደነበልባል እሳት እና እንደ አገልጋይ መልአክ አደርገዋለሁ፤ እርሱም በምድር ለሚኖሩ የደህንነት ወራሾችን ያገለግላል።

፯ እናም ለእርሱና ለወንድምህ ለያዕቆብ እንድታገለግል አደርግሀለሁ፤ እናም ለእናንተ ለሶስታችሁም እኔ እስክመጣ ድረስ ይህን ስልጣን እና የአገልግሎቱን ቁልፍ እሰጣችኋለሁ።

፰ እውነት እላችኋለሁ፣ ሁለታችሁም እንደመሻታችሁ ይሆንላችኋል፤ ሁለታችሁም በፈለጋችሁት ነገሮች ትደሰታላችሁና።