፩ እነሆ መፅሐፈ ሞርሞንን ለመጻፍ እናም ወደ አገልግሎቴ ተጠርተህ እናም ተመርጠህ ነበር፤ እናም ከስቃይህ ውስጥ ከፍ አድርጌሀለሁ፣ እናም መክሬሀለሁ፣ ከተጠላቶችህም ሁሉ ድነሀል እናም ከሰይጣን እና ከጨለማ ሀይል ታድጌሀለሁ!

፪ ሆኖም፣ በመተላልፍህ ይቅርታን አታገኝም፤ ሆኖም፣ ሂድ ከእንግዲህ ግን ኃጢአትን አትስራ።

፫ ተግባርህን አጉላ፤ እናም በምድርህ ከዘራህ እና ዋስትናውን ካስጠበቅህ በኋላ በኮለስቪል፣ ፈየቴ፣ እናም ማንችስተር ወደሚገኙት ቤተክርስቲያኖች በፍጥነት ሂድ፣ እና እነርሱም ይደግፉሀል፤ እናም በጊዜያዊም ሆነ በመንፈሳዊ በረከት እባርካቸዋለሁ፣

፬ ነገር ግን አንተን የማይቀበሉ ከሆነ፣ በበረከት ፈንታ እርግማንን እልክባቸዋለሁ።

፭ እናም ወደ እግዚአብሔር በስሜ መጣራትን፣ እናም በአጽናኙ የሚሰጡህን ነገሮች መጻፍን፣ እናም ለቤተክርስቲያኗ ቅድሷን መጻህፍትን ሁሉ ማብራራትህን ትቀጥላለህ።

፮ እናም በዚያኑ ጊዜ የምትናገረውን እና የምትጽፈው ይሰጥሀል፣ እናም ይሰሙታል፣ ወይም ከበረከት ይልቅ እርግማንን እልክባቸዋለሁ።

፯ በፅዮን ውስጥ አገልግሎትህን ሁሉ ታደርጋለህና፤ እና በዚህም ጥንካሬን ታገኛለህ።

፰ በስቃይህ ታጋሽ ሁን፣ ብዙም ያጋጥምሀልና፣ ነገር ግን በጽናት አሳልፋቸው፣ እነሆም እስከመጨረሻዎቹ ቀኖችህም እንኳን እኔ ከአንተ ጋር ነኝ።

፱ ይህ የተጠራህበት ስላልሆነ፣ በጊዜያዊ ስራዎች ጥንካሬ አይኖርህም። ለጥሪህ ትኩረትን ስጥ እናም ተግባርህን የምታጎላበትንም፣ እናም ሁሉን ቅዱሳን መጻህፍት የምታብራራበት እናም እጅን መጫንን እና ቤተክርስቲያናቱን የምታጸናበት ሁኔታ ይኖርሀል።

፲ እናም ወንድምህ ኦሊቨር በአለም ፊት እንዲሁ በቤተክርስቲያኗ ስሜን መሸከምን ይቀጥላል። ስለእኔ በቂ ነገርን መናገር እችላለው ብሎ አያስብ፤ እናም፣ አስተውል፣ እኔ እስከመጨረሻው ድረስ ከእርሱ ጋር ነኝ።

፲፩ በድካም ሆነ፣ ወይም በብርታት፣ በእስራትም ሆነ በነጻነት በራሱ ሳይሆን፣ በእኔ ክብረን ያገኛል።

፲፪ እናም በሁሉም ጊዜያት እና በሁሉም ስፍራዎች አፉን ይከፍታል እናም እንደመለከት ድምጽ በቀንና በማታ ወንጌሌን ያውጃል። እናም በሰዎች መካከል የማይታወቅን አይነት ብርታት እሰጠዋለሁ።

፲፫ ዲያብሎስን ከማስወጣት፣ የታመሙትን ከመፈወስ እናም መርዛምን እፉኝት፣ እናም ገዳይን መርዝ ከመቋቋውም በስተቀር እኔ ካላዘዝኳችሁ ሌሎች ተአምራትን አትሹ፤

፲፬ እናም፣ ቅዱሳን መጻህፍት ይፈጸሙ ዘንድ፣ እነዚህን ነገሮች የሚፈልጓቸው ካልጠየቁህ በስተቅር አታደርጋቸውም፣ በተጻፈው መሰረት ታደርጋው ዘንድ ነውና።

፲፭ እናም በምትገቡበት ስፍራ ሁሉ በስሜ ካልተቀበሏችሁ፣ በበረከት ፈንታ ምስክር ይሆንባቸው ዘንድ የእግራችሁን ትቢያ በማራገፍ እናም በመንግድ ዳር ላይ እግራችሁን በማጽዳት እርግማንን ትተዋላችሁ።

፲፮ እናም በአመጽም በእናንተ ላይ እጁን የሚያነሳ ሁሉ በስሜ ይመታ ዘንድ ታዛላችሁ፤ እናም እነሆ፣ እንደ ቃላቶቻችሁ በጊዜዬ እመታቸዋለሁ።

፲፯ እናም ከእናንተ ጋርም ወደ ህግ የሚሄዱትም በህጉ ይረገማሉ።

፲፰ ምንም አይነት ኮረጆም፣ ከረጢትም፣ በትርም ሆነ ሁለት እጅ ጠባብን አትውሰድ፣ ለምግብ፣ ለምትለብሰው፣ እናም ለመጫሚያ እናም ለገንዝብ እናም ለከረጢት የሚያስፈልግህን በዚያው ሰዓት ቤተክርስቲያኗ ትሰጥሀለችና።

፲፱ ስለሆነ በሀያል ግርዘት አዎን ለመጨረሻ ጊዜ፤ የወይን ስፍራዬን እንድትገርዝ ተጠርተሀል፤ እናም የሾምካቸውም ሁሉ በዚህ መንገድ እንዲሁ ያደርጋሉ። አሜን።