፩ በሰዎች ልጆች መካከል ታላቅ እና ድንቅ ስራ ሊመጣ ነው።

፪ እነሆ፣ እኔ እግዚአብሔር ነኝ፤ ፈጣን እና ሀያል፣ ሁለት አንደበት ካለው ሰይፍ ይልቅ የተሳለ፣ መገጣጠሚያን እና መቅኔን የሚለየውን ቃሌን አድምጥ፤ ስለዚህ ቃሎቼን እድምጥ።

፫ እነሆ፣ የእርሻው ስፍራ ነጭ ሆኖ አዝመራው ዝግጁ ነው፣ ስለዚህ፣ ለነፍሱ ዘለአለማዊ ደህንነትን በእግዚአብሔር መንግስት ያከማች ዘንድ፣ መሰብሰብ የሚሻ በኃይሉ ይጨድ፣ እናም ቀን ሆኑም እያለ ይሰብስብ።

፬ ማንኛውም የሚያጭድ እናም የሚሰበስብ፣ እርሱ በእግዚአብሔር የተጠራ ነው።

፭ ስለዚህ፣ ብትጠይቀኝ ትቀበላለህ፣ ብታንኳኳ ይከፈትልሀል።

፮ አሁን፣ እንደጠየከው፣ እነሆ፣ እንዲህ እልሀለሁ፣ ትዛዛቴን ጠብቅ እናም የፅዮንን እንቅስቃሴ ለመፈጸም እና ለመመስረት ፈልግ፤

፯ እነሆ፣ ለአንተ እና እንዲሁም ይህንን ስራ ለመፈጸምና ለመመስረት ለሚሹ ሁሉ እናገራለሁ።

፰ በሀላፊነት እምነት በተጣሉበት ነገሮች ሁሉ ራሱን ገዝቶ፣ በእምነት፣ በተስፋና በለጋስነት፣ እናም እራሱን ትሁት በማድረግና በፍቅር ተሞልቶ ካልሆነ በቀር፣ ማንም ሰው በዚህ ስራ ውስጥ መርዳት አይችልም።

፱ እነሆ፣ እነዚህን ቃላት የምናገረው እኔ የአለም ብርሀን እና ህይወት ነኝ፣ ስለዚህ ባለህ ሀይል አድምጥ እናም ከዚያም ትጠራለህ። አሜን።