፩ እነሆ፣ ለአገልጋዬ ጆን መርዶክ ጌታ እንዲህ ይላል—ወደ ምስራቅ ሀገሮች ከቤት ወደ ቤት፣ ከመንደር ወደ መንደር፣ እና ከከተማ ወደ ከተማ ዘለአለማዊ ወንጌሌን በዚያ ለሚኖሩት፣ በስደት እና በክፋት መካከል እያወጅህ እንድትሄድ ተጠርተሀል።

፪ እና የሚቀበልህም ይቀበለኛል፤ እና በእኔ ቅዱስ መንፈስ መገለጥ ቃሌን ለማወጅ ሀይል ይኖርሀል።

፫ እናማንም እንደ ትንሽ ልጅ የሚቀበልህም፣ መንግስቴን ይቀበላል፤ እነርሱም ብፁዓን ናቸው፥ ምህረት ያገኛሉና።

፬ እና ማንም አንተን የሚቃወም ከአባቴ እና ከቤቱ ይወገዳል፤ እና በእግረ መንገድህ በእነርሱም ላይ ምስክር ይሆን ዘንድ በተሰወሩ ስፍራዎች እግሮችህን ታጸዳለህ።

፭ እነሆ እና አስተውል፣ በመጽሐፍም ጥራዝ እንደ ተጻፈው፣ በእኔ ላይ ከፅድቅ በመራቅ ክፉ ሥራቸው ሁሉ እወቀሳቸው ዘንድ፣ ለፍርድ በቶሎ እመጣለሁ።

፮ አሁንም፣ እውነት እልሀለሁ፣ ልጆችህን እስክታስተዳድር እና በመልካም ወደ ፅዮን ኤጲስ ቆጶስ እስኪላኩ ድረስ እንድትሄድ ፍቃዴ አይደለም።

፯ እና ከጥቂት አመታት በኋላ፣ በእኔ የምትሻ ከሆነ፣ ውርስህን ለመቀበል ወደ መልካሚቱ ምድር መሄድ ትችላለህ፤

፰ አለበለዚያ እስከምትወሰድ ድረስ ወንጌሌን በማወጅ ትቀጥላለህ። አሜን።