፩ እነሆ፣ ልጄ ሆይ እንዲህ እልሀለሁ፣ ከእኔ በፈለከው መሰረት ስላልተረጎምህ እናም ዳግም ለአገልጋዬ፣ ለጆሴፍ ስሚዝ፣ ዳግማዊ መጻፍን በመጀመርህ ምክንያት በእርሱ ላይ እምነት የጣልኩበትን መዝገብ እስክትጨርስ ድረስ እንድትቀጥል እፈልጋለሁ።

፪ እና ከዚያም እነሆ፣ ሌሎች መዛግብቶች አሉኝ፣ ያንንም በመተርጎም እንድትረዳ ኃይል እሰጥኃለሁ።

፫ ልጄ ትዕግስተኛ ሁን፣ ይህ በእኔ ዘንድ ጥበብ ነውና፣ እናም በአሁኑ ጊዜ መተርጎምህ አስፈላጊ አይደለም።

፬ እነሆ፣ እንድታደርገው የተጠራህበት ስራ ለአገልጋዬ ለጆሴፍ እንድትጽፍ ነው።

፭ እናም፣ እነሆ፣ ይህንም እድል ከአንተ የወሰድኩብህ መተርጎም በጀመርህ ጊዜ እንደ ጀመርኸው ባለመቀጠልህ ምክንያት ነው።

፮ አታጉረምርም፣ ልጄ ሆይ፣ ከአንተ ጋር በዚህ ሁኔታ ይህን ማድርጌ ጥበብ ነው።

፯ እነሆ፣ አልተረዳህም፤ እኔን ከመጠይቅህ በስተቀር ምንም ሳታስብበት፣ እንደምሰጥህ ገምተህ ነበር።

፰ ነገር ግን እነሆ፣ እንዲህ እልሀለሁ፣ በአእምሮህ ውስጥ ልታጠናው ይገባል፤ ከዚያም ትክክለኛ መሆኑን ልትጠይቀኝ ይገባል፣ እናም ትክክለኛ ከሆነ ውስጥህም እንዲቃጠል አደርጋለሁ፤ ትክክል እንደሆነም ይሰማሀል።

፱ ነገር ግን ትክክል ካልሆነ እንደዚህ ያሉ ስሜቶች አይሰሙህም፣ ነገር ግን የተሳሳተ ነገርን የሚያስረሳ የሀሳብ ብዥታ ይሆንልሀል፤ ስለዚህ፣ ከእኔ ካልተሰጠ በስተቀር ቅዱስ የሆነውን መጻፍ አትችልም።

፲ አሁን፣ ይህን አውቀህ ቢሆን ኖሮ መተርጎም በቻልህ ነበር፤ ሆኖም፣ አሁን መተርጎምህ አስፈላጊ አይደለም።

፲፩ እነሆ፣ በጀመርህበት ጊዜ አስፈላጊ ነበር፤ ነገር ግን ፈራህ፣ እናም ጊዜውም አለፈ፣ እናም አሁን አስፈላጊ አይደለም፤

፲፪ የጠፋውን ጊዜ ለመተካት ለአገልጋዬ ጆሴፍ በቂ ጥንካሬን አብጅቼ እንደሰጠሁት አታይምን? እናም ማናችሁንም ቢሆን አልኮነንኩም።

፲፫ እንድታደርግ ያዘዝኩህን አድርግ፣ እናም ትበለጽጋለህ። ታማኝ ሁን፣ እናም ለፈተና ራስህን አታጋልጥ።

፲፬ አንተን ለጠራሁበት ስራ ጸንተህ ቁም፣ እናም ከራስ ጠጉርህ አንዲት አትጠፋም፣ እናም በመጨረሻውም ቀን ከፍ ትላለህ። አሜን።