፩ አገልጋዬ ዋረን ኤ ካውድሪ በፍሪደም እና በአካባቢዋ ምድር ውስጥ በቤተክርስቲያኔ እንደ ሊቀ ካህናት አመራር እንዲመደብ እና እንዲሾም ፍቃዴ ነው።

፪ ዘለዓለማዊ ወንጌሌንም ይስበክ፣ እና በራሱ ስፍራ ብቻ ሳይሆን፣ በአጠገቡ በሚገኙት የግዛት ክፍሎችም ድምጹን ከፍ ያድርግና ህዝብን ያስጠንቅቅ፤

፫ እና መንግስተ ሰማያትንና ፅድቁንም በትህትና በመፈለግ፣ በምሰጠው በዚህ ከፍተኛ እና ቅዱስ ጥሪም ጊዜውን ሁሉ መስዋዕት ያድርግ፣ እና አስፈላጊ ነገሮች ሁሉ ይጨመሩለታል፤ ለሠራተኛ ደመወዙ ይገባዋልና።

፬ ደግሞም፣ እውነት እላችኋለሁ፣ የጌታ መምጣት ቀርቦአል፣ እና ሌባ በሌሊት እንደሚመጣም በአለም ላይ ይደርስል—

፭ ስለዚህ፣ የብርሀን ልጆች ትሆኑ ዘንድም ወገባችሁን አጥብቁ፣ እና ያም ቀን በሌሊት እንደ ሌባ አይደርስባችሁም።

፮ ደግሞም፣ እውነት እላችኋለሁ፣ አገልጋዬ ዋረን ለመንግስቴ በትር ሲሰግድና እራሱን ከተንኮለኞች ሰዎች ሲለይ በሰማይ ደስታ ነበር።

፯ ስለዚህ፣ አገልጋዬ ዋረን የተባረከ ነው፣ ምህረት እሰጠዋለሁና፤ እና ልቡ ግብዝነት ቢኖርበትም፣ በፊቴ ትሁት እስከሆነ ድረስ ከፍ አደርገዋለሁ።

፰ የሚቆምበትም ጸጋ እና ማረጋገጫም እሰጠዋለሁ፤ ታማኝ ምስክርና ለቤተክርስቲያኗም ብርሀን ሆኖ ቢቀጥል በአባቴ ቤት አክሊል አዘጋጅቼለታለሁ። እንዲህም ይሁን። አሜን።