፩ ያላመነ ባል በሚስቱ ተቀድሶአልና፥ ያላመነችም ሚስት በባልዋ ተቀድሳለች፤ አለዚያ ልጆቻችሁ ርኵሳን በሆኑ ነበር፤ አሁን ግን የተቀደሱ ናቸው።

፪ አሁን፣ በሐዋርያት ዘመን የግርዘት ህግ በኢየሱስ ክርስቶስ ወንጌል በማያምኑት አይሁዶች ዘንድ ይተገበር ነበር።

፫ እናም እንዲህ ሆነ በህዝብም መካከል የግርዘት ህግን የሚመለከት ታላቅ ክርክር ተነስቶ ነበር፣ ያላመነ ባል ልጆቹ እንዲገረዙ እና ተፈጽሞ ለነበረውም ለሙሴ ህግ ተገዢ እንዲሆን ፍላጎት ነበረውና።

፬ እናም እንዲህም ሆነ፣ ልጆቹም በሙሴ ህግ ተገዢ ሆነው በማደጋቸው፣ የአባቶቻቸውን ባህሎች ተከተሉ እናም በክርስቶስም ወንጌል አላመኑም፣ በዚህም ያልተቀደሱ ሆኑ።

፭ ስለዚህ፣ በዚህም ምክንያት ነው ሐዋሪያው ለቤተክርስቲያኗ ከጌታ ሳይሆን ከራሱ፣ በመካከላቸው የሙሴ ህግ ካልተሻረ በስተቀር የሚያምኑ ከማያምኑ ጋር አንድነት የላቸውምበማለት የጻፈው፣

፮ ልጆቻቸው እንዳይገረዙ፤ እና ይህም በአይሁዶች መካከል ይተገበር ስለነበር፣ ህጻናት ልጆች አይጸደቁም የሚለው ባህልም እንዲቀር የትእዛዝን ፅሑፍ ሰጣቸው፤

፯ ነገር ግን በኢየሱስ ክርስቶስ የኃጢአት ክፍያ አማካይነት ስለተቀደሱ ህጻናት ልጆች የተቀደሱ ናቸው፤ እና ይህም የቅዱሳት መጻህፍት ትርጉም ነው።