፩ እነሆ፣ አገልጋዬ ስድኒ ጊልበርት፣ እንዲህ እልሀለሁ፣ ጸሎቶችህን ሰምቼአለሁ፤ እኔ ጌታ በኋለኛው ቀናት ባነሳኋት በዚህች ቤተክርስቲያን ውስጥ ያለህን ጥሪና ምርጫ እውቀት ይሰጥህ ዘንድ እኔ፣ ጌታ አምላክህን፣ ጠይቀሀል።

፪ እነሆ፣ ለአለም ኃጢአት የተሰቀልኩ እኔ ጌታ አለምን እንድትተው ትእዛዝን እሰጥሀለሁ።

፫ በቃሌ በኩል፣ እምነትን እና ንስሀ መግባትን እና ለኃጢአቶች ስርየት እና እጆችን በመጫን መንፈስ ቅዱስን መቀበልን ለመስበክ፣ የሽማግሌነት ሹመቴን በራስህ ላይ ተቀበል፤

፬ እናም ከዚህ በኋላ በሚሰጠው ትእዛዝ፣ ኤጲስ ቆጶሱ በሚመድብበት ስፍራም ለዚህች ቤተክርስቲያን ወኪል እንድትሆንም ነው።

፭ እና ደግሞም፣ በእውነት እልሀለሁ፣ ከአገልጋዮቼ ጆሴፍ ስሚዝ፣ ዳግማዊ፣ እና ከስድኒ ሪግደን ጋር ተጓዝ።

፮ እነሆ፣ እነዚህም የምትቀበላቸው የመጀመሪያ ስነ ስርዓቶች ናቸው፤ እና በወይን ስፍራዬ ውስጥ ባገለገልክ መጠን፣ ቅሪቶቹም በሚመጣው ጊዜ ይገለጣሉ።

፯ እና ደግሞም፣ እስከ ፍጻሜው የሚጸና እርሱ ብቻ እንደሚድን እንድትማርም እፈልጋለሁ። እንዲህም ይሁን። አሜን።