፩ እነሆ፣ ዴቪድ እንዲህ እልሀለሁ፣ ሰውን በመፍራት ለጥንካሬ በእኔ መደገፍ ያለብህን ያህል አልተደገፍክም።

፪ ነገር ግን አዕምሮህ በእኔ በፈጣሪህ ነገር እንዲሁም በተጠራህበት አገልግሎት ላይ ከመሆን ይልቅ በምድር ነገሮች ላይ ሆኗል፤ እናም መንፈሴን እና ከአንተ በላይ ስልጣን የተሰጣቸውን አላደመጥክም፣ ነገር ግን እኔ ባላዘዝኳቸው ተወስደሀል።

፫ ስለዚህ፣ ከእጄ ለራስህ እንድትጠይቅ ተትተሀል፣ እናም ስለተቀበልካቸውም ነገሮች አሰላስል።

፬ እናም ተጨማሪ ትእዛዛትን እስከምሰጥህ ድረስ መኖሪያህ በአባትህ ቤት ይሆናል። በቤተክርስቲያኗ ውስጥ እናም በአለም ፊት እና በአካባቢው ባሉት ዙሪያዎች አገልግሎትን ትሰጣለህ። አሜን።

፭ እነሆ ፒተር፣ እንዲህ እልሀለሁ፣ ከወንድምህ ከኦሊቨር ጋር ትጓዛለህ፤ ወንጌሌን ለማወጅ አንደበትህን ትከፍት ዘንድ ለእኔ አስፈላጊ የሚሆንበት ወቅት መጥቷል፤ ስለዚህ አትፍራ፣ ነገር ግን ወንድምህ የሚሰጥህን ምክር እና ቃላት አድምጥ።

፮ እናም በስቃዩ ሁሉ ከእርሱ ጋር ሁን፣ ለአንተ እና ለእርሱ ደህንነት በጸሎት እና በእምነት ዘወትር ልብህን ወደ እኔ አንሳ፤ በላማናውያን መካከል ቤተክርስቲያኔን እንዲገነባ ኃይልን ሰጥቼዋለሁና፤

፯ እናም ከወንድሙ፣ ከጆሴፍ ስሚዝ ዳግማዊ በቀር በእርሱ ላይ ማንንም የቤተክርስቲያኗን ነገሮች በተመለከተ የእርሱ አማካሪ እንዲሆን አልሾምኩም።

፰ ስለዚህ፣ እነዚህን ነገሮች አድምጥ እናም ትእዛዛቴን በመጠበቅ ትጋ፣ እናም በዘለአለማዊ ህይወት ትባረካለህ። አሜን።

፱ እነሆ፣ አገልጋዬ ጆን እንዲህ እልሀለሁ እንደመለከት ድምጽ ከዚህ ጊዜ ጀምሮ ወንጌሌን ማወጅ ትጀምራለህ።

፲ እናም አገልግሎትህም ከእዚያ እንድትሄድ ትእዛዝ እስክሰጠህ ድረስ በወንድምህ በፊልፕ በሮው ስፍራና በአካባቢው፣ አዎን፣ እንዲሁም ድምጽህ በሚሰማበት ስፍራ ሁሉ ይሆናል።

፲፩ እናም ከዚህ ጊዜ ጀምሮም በሙሉ ነፍስህ አገልግሎትህ ሁሉ በፅዮን ይሆናል፤ አዎን፣ ሰው ሊያደርግ የሚችለውን ሳትፈራ ለእኔ ስራ ዘወትር አንደበትህን ትክፍታለህ፣ እኔም ዘወትር ከአንተ ጋር እሆናለሁና። አሜን።