፩ እነሆ፣ ጌታ ለአገልጋዬ ውልያም መክለለን እንዲህ ይላል—ከኃጢአቶችህ ዞር እስካልህ ድረስ፣ እና እውነቴን እስከተቀበልህ ድረስ የተባርክ ነህ፣ እንዲሁም በስሜ የሚያምኑት ሁሉ፣ ይላል ጌታ ቤዛህ፣ የአለም አዳኝ።

፪ እውነት እልሀለሁ፣ ዘለአለማዊ ቃል ኪዳኔን፣ እንዲሁም በነቢያት እና ሐዋርያት በቀደሙት ቀናት እንደተጻፈው፣ ህይወት እንዲኖራቸው እና በመጨረሻዎቹም ቀናት የሚገለጡትን ክብሮች ተካፋይ ይሆኑ ዘንድ፣ ወደሰው ልጆች የተላከውን የወንጌሌን ሙሉነት በመቀበልህ የተባረክህ ነህ።

፫ በእውነትም እልሀለሁ፣ አገልጋዬ ውልያም ሆይ፣ አንተ፣ በሁሉም ባይሆን፣ ንጹህ ነህ፤ ስለዚህ በፊቴ ለማያስደስቱኝ ነገሮች ንስሀ ግባ፣ ጌታ እነዚህን ያሳይሀልና።

፬ እናም አሁን፣ በእውነትም፣ እኔ ጌታ ስለአንተ በመመልከት ያለኝን ፈቃዴን፣ ወይም አንተን በተመልከተ ፈቃዴን አሳይህ ዘንድ እሻለሁ።

፭ እነሆ፣ በእውነትም እልሀለሁ፣ ከስፍራ ወደ ስፍራ፣ እና ከከተማ ወደ ከተማ፣ አዎን፣ ባልታወጁበት አካባቢዎች ውስጥ ሁሉ ወንጌሌን ታውጅ ዘንድ ፍቃዴ ነው።

፮ በዚህ ስፍራ ለብዙ ቀናት አትቆይ፤ ወደ ፅዮን አገርም ገና አትሂድ፣ ነገር ግን፣ ለመላክ የምትችለውን ላክ፤ አለበለዚያም፣ ስለ ንብረቶችህ አታስብ።

፯ ወደ ምስራቅ ባሉ ምድሮችም ተጓዝ፣ በእያንዳንዱም ስፍራዎች፣ ለእያንዳንዱም ሰው እናም በየምኩራቦቻቸው፣ ከህዝብ ጋር እየተወያየህ፣ ምስክርነትህን ስጥ።

፰ አገልጋዬ ሳሙኤል ኤች ስሚዝም አብሮህ ይሂድ፣ እናም አትተወው፣ እናም አስተምረውም፤ እናም ታማኝ የሆነውም እርሱ በሁሉም ስፍራ ጠንካራ ይሆናል፤ እና እኔ ጌታም ከአንተ ጋር እሄዳለሁ።

፱ በታመሙትም ላይ እጆችህን ጫን፣ ይድኑማል። እኔ ጌታ እስከምልክህ ድረስም አትመለስ። በስቃይህም ትእግስተኛ ሁን። ለምን፣ እናም ይሰጥሀል፤ አንኳኳ፣ ይከፈትልህማል።

፲ ብኩንነትን አትሻ። ከፅድቅ ያልሆኑውን ሁሉ ተው። የተፈተንህበትን አመንዝራትን አትፈጽም።

፲፩ እነዚህ ያዘዝኩህን ጠብቅ፣ እውነት እና ታማኝ ናቸውና፤ እናም ሀላፊነትህን ታጎላለህ፣ እናም የዘለአለም ደስታ መዝሙሮች በራሳቸው ላይ ሆኖ ብዙ ህዝብን ወደ ፅዮን ትገፋለህ።

፲፪ እስከመጨረሻውም በእነዚህ ነገሮች ፅና፣ እናም በጸጋ እና በእውነት በተሞላው በአባቴም ቀኝ በኩልም የዘለአለም ህይወት አክሊል ይኖርሀል።

፲፫ በእውነትም፣ እንዲህ ይላል ጌታ እግዚአብሔርህ፣ ቤዛህ፣ እንዲሁም ኢየሱስ ክርስቶስ። አሜን።