Manolotra ny arahaba ny avy any Cap-Vert!

Fantaro ireo zanaky ny Ray any An-danitra manerana izao tontolo izao.

Sary fanehoana nataon’i Carolina Farias

I Cap-Vert dia firenena nosy iray any akaikin’ny morontsirak’i Afrika Andrefana. Olona miisa valo alina sy efatra hetsy eo ho eo no monina ao.

Fiteny

Ny teny pôrtogey no fiteny ôfisialy. Ny mponina koa dia miteny créole capverdien na Kriolu izay teny pôrtogey no niaviany.

Vôlkano

Manana nosy miisa 10 i Cap-Vert izay niorina tamin’ny alalan’ny vôlkano. Ny vôlkano lehibe indrindra mbola velona dia antsoina hoe Pico do Fogo. 2829 metatra ny haavony.

Antokom-pinoana

80 isan-jaton’ny mponina eo ho eo no Katôlika. Miisa 16000 eo ho eo koa ny mpikambana ao amin’ny Fiangonantsika.

Mozika

Tia mozika ny olona avy any Cap-Vert! Mihira amin’ny teny Créole izy ireo matetika ary ny mozikan’izy ireo dia mampifangaro ny karazana mozika avy any Portugal, Brésil ary Afrique de l’ouest.

Tempolin’i Praia

Notokanana tamin’ny taona lasa ny tempoly voalohan’i Cap-Vert!

Asa atao

Kilalao atao amin’ny alalan’ny tantara

Indro misy kilalao azonao atao! Mandao ny efitrano ny olona iray. Mitantara tantara momba ny lehilahy iray izay nandeha nanjono tany an-dranomasina ny hafa. Ampitapitain’izy ireo eo amin’izy samy izy ny zavatra anankiray eo am-piresahan’izy ireo. Ilay tantara dia mifarana foana amin’ny teny hoe, “ary maty ilay trondro kely.” Izay olona mihazona ilay zavatra dia manafina izany any an-damosin’izy ireo rehefa mifarana ilay tantara. Miverina ilay olona nandao ilay efitrano ary mamantatra ilay olona manana ilay zavatra. Raha toa ka fantany ilay olona, dia io olona io indray no mandao ilay efitrano. Raha toa ka olona tsy izy no tondroiny, dia mandao ilay efitrano indray izy ary averina tantaraina indray ilay tantara.

Nahandro

Cachupa (Sakafo ketsaketsa fahandro any Cap-Vert)

1. Teteo ny tongolo iray sy ny tongolo gasy hasiny enina. Andrahoy ao anatina lapoaly iray asiana menaka kely izany avy eo.

2. Arotsahy ao anatina vilany lehibe ilay tongolo sy tongolo gasy. Arotsahy ao ny voatabia am-bifotsy iray, sy katsaka fotsy na katsaka mavo am-bifotsy iray, ary ny tsaramaso am-bifotsy anankiroa.

3. Arotsahy ao ny hena iray kilao, toy ny hena kisoa, na saosisy, na henomby, na trondro.

4. Andraraho rano ampy izany mba handrakotra ny zavatra rehetra ao anatin’ilay vilany. Andrahoy amin’ny afo malefaka mandritra ny adiny roa izany.

Fanamarihana: Misy fomba maro hanaovana ny cachupa. Afaka manampy karazana hena sy tsaramaso ary legioma hafa ianao raha tianao!

Torohevitra mahasoa

Fibre tena tsara

Ny tsaramaso dia ahitana fibre betsaka izay manadio ny bakteria ao anatinao sy manampy ny sakafo handeha mora kokoa ao anatin’ny vatanao. Afaka mahazo fibre koa ianao avy amin’ny voamaina sy serealy feno, ny voaroy ary ny voanjo.