Zava-madinika sy Tsotra

2010

Aprily 2010

Zava-madinika sy tsotra

“Amin’ny alalan’ny zava-madinika sy tsotra no anatanterahana ny zavatra lehibe” (Almà 37:6).

Mampandray Anjara ny Olona Rehetra Mandritra ny Takarivan’ny Mpianakavy

Angataho ny olona rehetra ao amin’ny fianakaviana mba hanatanteraka asa iray asaina ataony.
Omano ombam-bavaka ireo lesona sy fiaraha-mientana izay ahafahan’ny fianakaviana rehetra mandray anjara.
Avelao ny ankizy hizara izay zavatra ianarany any amin’ny Kilonga. Mety ho hira izany na soratra masina na kilalao mba hianarana fitsipiky ny filazantsara iray.
Angataho ireo olona ao amin’ ny fianakaviana mba hanome lohahevitra momba ireo lesona hatao amin’ny manaraka. Ataovy lisitra izany; dia resaho miandalana ireo lohahevitra ireo.
Aza terena handray anjara ny olona ao amin’ny fianakaviana. Miezaha manamboatra toerana ahazoana aina izay ahafahana mizara hevitra.

Miomàna indray hahita hevitra ho an’ny takarivan’ny mpianakavy ho an’ireo mpikambana tokantena sy ho an’ny fianakaviana tsy manan-janaka, any anatin’ireo laharana ho avy.

Tarehimarika momba ny Tempoly

130: tempoly am-perinasa.
: tempoly nambara fa haorina na efa eo andalam-pitsanganana.
1: tanàna eto amin’izao tontolo izao izay manana tempoly roa ao anatin’ny faritra misy azy, South Jordan, Utah. “Mety hanontany ianao hoe nahoana no nomena tombontsoa be toy izany i Utah. Tena ilaina izany noho ny fahabetsahan’ny olona mamonjy ny tempoly any,”¹ hoy ny Filoha Gordon B. Hinckley rehefa nanambara ny fananganana ny Tempolin’i Oquirrh Mountain tamin’ny Ôktôbra 2005 izy, izay tempoly fahaefatra ao amin’ny Lohasahan’i Salt Lake.
34: tempoly notokanana tamin’ny 2000, izay tempoly betsaka indrindra notokanana tao anatin’ny herintaona monja.
85: tempoly notokanan’ny Filoha Hinckley nandritra ny androm-piainany, ny betsaka indrindra notanterahan’ny Apôstôly iray tao anatin’ity fotoampitantanana ity izany. Nanatanteraka famerenana ny fanokanana tempoly miisa 10 koa ny Filoha Hinckley.
685.000: olona nanatrika ny varavarana misokatra tao amin’ny Tempolin’i Draper Utah. Notokanana tamin’ny Marsa 2009 izany tempoly izany.
682: metatra tora-droa ny Tempolin’i Chihuahua Méxique any Colonia Juárez, izay tempoly kely indrindra ato amin’ny Fiangonana.
30754: metatra tora-droa ny Tempolin’i Salt Lake, izay tempoly lehibe indrindra ato amin’ ny Fiangonana.
169: tsatòka sy distrika izay sahanin’ny Distrikan’ny Tempolin’i Manille Philippines, izay manompo paroasy sy sampana betsaka indrindra raha oharina amin’ny distrikan’ny tempoly hafa ato amin’ny Fiangonana.

Ambony ankavia: sarin’ny Tempolin’i Manille Philippines nataon’i Robert T. Barrett; ambany ankavia: sary nalain’i Matthew Reier; ankavanana: sary © Corbis