Ko Hono Toe Fakatapui ʻe Palesiteni Monisoni ʻa e Temipale Poisī
Naʻe toe fakatapui ʻe Palesiteni Tōmasi S. Monisoni ʻi Nōvema 2012 ʻa e Temipale Poesi ʻAitahoó—ko ha fale naʻe ʻuluaki fakatapui ʻi he 1984 pea aʻu ʻo tāpuni ki hano fakaleleiʻi lahi ʻi ha māhina ʻe 15.
ʻI he efiafi ki muʻa pea toe fakatapuí, naʻe fakatahataha ai ha toʻu kei talavou ʻe 9,200 ki hono fakafiefiaʻi fakafonua ʻe he toʻu tupú. Naʻe tokolahi fau ʻa e toʻu tupu naʻe kaú ʻo nau fakafonu ʻa e Malaʻe Vaʻinga Tako Peló (Taco Bell Arena) ʻo e ʻapiako ʻo e ʻUnivēsiti Siteiti Poisī, pea naʻe pau ai ke ō honau ngaahi fāmilí mo e toengá ki ha ngaahi feituʻu kehe ke mamata ai ki he polokalamá, ʻa ia naʻe fakamafola ki he ngaahi senitā fakasiteiki kotoa ʻi he vāhenga temipalé.
Naʻe pehē ʻe Keuli Uoka, ko e sea ʻi ha kōmiti siʻi ki hono fakafiefiaʻi fakafonua ʻe he toʻu tupú, naʻe siʻi pē ʻa e kātoangá ki he faivá ka naʻe fekauʻaki lahi ange mo e teuteu ki he temipalé.
Naʻe fakahā ʻe Palesiteni Monisoni ki he toʻu tupú ʻi he kātoangá, ko e temipalé “ʻoku ulo atu ko ha maama kamo ʻo e māʻoniʻoní kiate kinautolu kotoa ʻe muimui ki hono māmá. … ʻOku tau mataʻikoloa ʻaki ʻa e maama ko iá, pea ʻoku tau fakafetaʻi ki heʻetau Tamai Hēvaní ʻi he ngaahi tāpuaki ʻoku ʻomi ʻe he temipalé ni pea mo e ngaahi temipale kotoa pē ki heʻetau moʻuí.”
Naʻe toe kau foki ʻa ʻEletā Petinā ki he ngaahi fakatahaʻanga fakatapui he Sāpaté, pea naʻá ne akoʻi ai, “ʻOku ʻi ai ha māfana, maama, ngingila, pea mo ha huelo ʻoku haʻu mei he temipalé ʻi ha feituʻu pē he māmaní.”
ʻE ngāue ʻaki ʻa e Temipale Poisī ʻAitahoó ʻe ha Kāingalotu ʻe meimei toko 100,000 mei ha siteiki ʻe 31 ʻi he ʻēliá.
Naʻe fakahā ʻe Palesiteni Tōmasi S. Monisoni ʻa ʻene ʻofa mo ʻene houngaʻia ki he kāingalotu ʻo e Siasí ʻi he lolotonga hono fakafiefiaʻi fakafonua ʻi he pō ki muʻa pea toki toe fakatapui ʻa e Temipale Poisī ʻAitahoó.
© IRI