Tuliki ki he Akó

Ngaahi Fakafehoanakí: Malí mo e Fāmilí

Ko ha niʻihi ʻo e ngaahi tefito mahuʻinga tahá ʻoku tokolahi ange he tokotaha lea ʻe tahá ʻi he konifelenisi lahí. Ko e fakamatala ʻeni ʻa ha kau lea ʻe toko fā kau ki he malí mo e fāmilí. Feinga ke ke ʻilo mo ha ngaahi toe fakafehoanaki kehe ʻi hoʻo ako e ngaahi malanga konifelenisí.

• “ʻOku ʻikai ngata pē ʻi he hoko ʻo e fakatahaʻi ha tangata mo ha fefine ke na mali he founga totonu mo fakalaó ko ha teuteu ki he ngaahi toʻu tangata he kahaʻú ke nau maʻu ʻa e māmaní, ka ʻokú ne toe ʻomi foki ʻa e fiefia mo e fiemālie lahi taha ʻe lava ʻo maʻu ʻi he matelie ní.”¹—ʻEletā L. Tom Perry ʻo e Kōlomu ʻo e Kau ʻAposetolo ʻe Toko Hongofulu Mā Uá.

• “ʻOku fie maʻu ʻe he fānaú ʻa e ivi fakaeloto mo fakafoʻituitui ko ē ʻoku maʻu ʻi hono ohi hake ʻe ha ongo mātuʻa ʻe toko ua ʻokú na uouangataha ʻi heʻena nofo malí mo ʻena ngaahi taumuʻá.”^2—ʻEletā Dallin H. Oaks ʻo e Kōlomu ʻo e Kau ʻAposetolo ʻe Toko Hongofulu Mā Uá

• “ʻOku kamata ʻa e fakavaʻe ʻo e angaʻofá mo e anga fakaʻapaʻapá ʻi hotau ngaahi ʻapí. ʻOku ʻikai ha ofo ʻi he hōloa taimi tatau pē e ʻulungaanga ʻo e kakaí mo e movete ʻa e fāmilí.”³—ʻEletā Quentin L. Cook ʻo e Kōlomu ʻo e Kau ʻAposetolo ʻe Toko Hongofulu Mā Uá

• “ʻOku lahi e ngaahi meʻa ke tau fai ke fakamālohia ai ʻa e nofomalí ʻi he ngaahi sōsaieti kuo fakautuutu ʻenau tala ʻoku ʻikai mahuʻinga hono ngaahi taumuʻá.”⁴—ʻEletā D. Todd Christofferson ʻo e Kōlomu ʻo e Kau ʻAposetolo ʻe Toko Hongofulu Mā Uá

Maʻuʻanga Fakamatalá

1. L. Tom Perry, “Hoko Ko e Mātuʻa Leleí,” Liahona, Nōvema 2012, 27.

2. Dallin H. Oaks, “Maluʻi ʻe Fānaú,” Liahona, Nōvema 2012, 45.

3. Quentin L. Cook, “ʻOku Mou Lava ke Ongoʻi Pehē Nai he Taimí Ni,” Liahona, Nōvema 2012, 7.

4. D. Todd Christofferson “Ngaahi Tokoua, ʻOku ʻi ai ʻEtau Ngāue ke Fai,” Liahona, Nōvema 2012, 49.