យោបល់ទាំងឡាយសម្រាប់រាត្រីជួបជុំក្រុមគ្រួសារ
ច្បាប់នេះមាននូវអត្ថបទ និង សកម្មភាពទំាងឡាយដែលអាចប្រើប្រាស់ សម្រាប់ធ្វើរាត្រីជួបជុំក្រុមគ្រួសារ ។ ខាងក្រោមនេះគឺជាឧទាហរណ៍ចំនួនពីរ ។
« របៀបសម្រេចគោលដៅអស់កល្បជានិច្ច » ទំព័រ 60 និង « រឿងដ៏សំខាន់បំផុតទាំង 10 យ៉ាងរបស់ អាប់ប៊ី » ទំព័រ 76 ៖ ជាមួយនឹងការចាប់ផ្ដើមឆ្នាំថ្មី អ្នក និងគ្រួសារអ្នកអាចគិតពីគោលដៅជាក់លាក់នានា ដែលអ្នកចង់សម្រេចដោយខ្លួនឯង និង ជាគ្រួសារ ។ សូមពិចារណាអានអត្ថបទរបស់ស៊ិស្ទើរ រ៉ូសម៉ារី អិម វិកស្សុម ស្ដីពីគោលដៅដ៏សំខាន់បំផុតកំពូលទាំង 10 នៅក្នុងជីវិតរបស់យុវនារីម្នាក់ ហើយអញ្ជើញកូនចៅរបស់អ្នកគិតពីគោលដៅផ្ទាល់ខ្លួនរបស់ពួកគេ ។ កូនចៅធំៗរបស់អ្នកក៏អាចទទួលបានអត្ថប្រយោជន៍ពីការពិភាក្សាមួយនៅក្នុងអត្ថបទរបស់អែលឌើរ រ៉ូបឺត ឌី ហែល ស្ដីពីគោលដៅអស់កល្បជានិច្ច និង សារៈសំខាន់នៃការដាក់ផែនការដើម្បីសម្រេចគោលដៅទាំងនោះផងដែរ ។ សូមលើកទឹកចិត្តសមាជិកគ្រួសារឲ្យសរសេរពីគោលដៅរបស់ពួកគេ ហើយបិទវានៅក្នុងផ្ទះរបស់អ្នកត្រង់កន្លែងដែលងាយមើលឃើញ ។
« ការសាកល្បងក្នុងព្រះគម្ពីរសម្រាប់ព្រះគម្ពីរសញ្ញាថ្មី » ទំព័រ 66 ៖ សូមពិចារណាចាប់ផ្ដើមការសាកល្បងការអានក្នុងព្រះគម្ពីរសញ្ញាថ្មីជាគ្រួសារ ។ អ្នកអាចចាប់ផ្ដើមដោយសុំឲ្យសមាជិកគ្រួសារម្នាក់ៗចែកចាយដំណើររឿងដែលពួកគេចូលចិត្តស្ដីពីឆាកជីវិតព្រះយេស៊ូវគ្រីស្ទ ។ រួចជាគ្រួសារ សូមចូលទៅ gospelart.lds.org ឬ scripturestories.lds.org ដើម្បីរកមើលវីដេអូ និង គំនូរដែលទាក់ទងនឹងកាលវិភាគនៃការអានរបស់អ្នក ។ ឬសូមពិចារណាធ្វើការសម្ដែងពីទិដ្ឋភាពក្នុងព្រះគម្ពីរសញ្ញាថ្មី កាលអ្នកកំពុងអាន ។
ជាភាសារបស់អ្នក
លីអាហូណា និង ឯកសារផ្សេងទៀតរបស់សាសនាចក្រមានជាច្រើនភាសា សូមចូលទៅកាន់ languages.lds.org ។