ការសន្យារបស់ព្យាការី
ផែនការនៃសេចក្ដីសង្គ្រោះ
ប្រធាន ថូម៉ាស អេស ម៉នសុន « ផ្លូវដ៏ឥតខ្ចោះឆ្ពោះទៅកាន់សុភមង្គល » Liahona, ខែ វិច្ឆិកា ឆ្នាំ ២០១៦ ទំព័រ ៨០–៨១ ។
« ផ្នែកសំខាន់នៃផែនការ [ នៃសេចក្តីសង្គ្រោះ ] គឺព្រះអង្គសង្គ្រោះរបស់យើង ព្រះយេស៊ូវគ្រីស្ទ ។ បើគ្មានការពលិកម្មធួនរបស់ទ្រង់ទេ នោះមនុស្សទាំងអស់នឹងត្រូវវង្វេង ។ ទោះជាយ៉ាងណា វាពុំគ្រប់គ្រាន់ទេ បើគ្រាន់តែជឿទៅលើទ្រង់ និងបេសកកម្មរបស់ទ្រង់នោះ ។ យើងចាំបាច់ត្រូវធ្វើការ ហើយរៀន ស្រាវជ្រាវ និងអធិស្ឋាន ប្រែចិត្ត ហើយកែលម្អ ។ យើងចាំបាច់ត្រូវស្គាល់ក្រឹត្យវិន័យរបស់ព្រះ ហើយរស់នៅតាមក្រឹត្យវិន័យទាំងនោះ ។ យើងចាំបាច់ត្រូវទទួលនូវពិធីបរិសុទ្ធសង្គ្រោះរបស់ទ្រង់ ។ បើគ្រាន់តែធ្វើដូច្នេះ នោះយើងនឹងបានទទួលសុភមង្គលដ៏ពិត ដ៏អស់កល្បជានិច្ច ។
« យើងមានពរដែល មាន សេចក្ដីពិត ។ យើងមានកាតព្វកិច្ចដើម្បី ចែកចាយ សេចក្ដីពិត ។ ចូរយើង រស់នៅតាម សេចក្ដីពិតដើម្បីយើងអាចទទួលបាននូវអ្វីៗទាំងអស់ដែលព្រះវរបិតាមានសម្រាប់យើង ។ ទ្រង់ពុំធ្វើអ្វីក្រៅពីដើម្បីជាប្រយោជន៍របស់យើងនោះទេ ។ ទ្រង់បានប្រាប់យើងថា ‹ នេះហើយជាកិច្ចការរបស់យើង និង សិរីល្អរបស់យើង — គឺដើម្បីនាំឲ្យមានអមតភាព និង ជីវិតដ៏នៅអស់កល្បជានិច្ចដល់មនុស្ស › [ ម៉ូសេ ១:៣៩ ] ។
« ខ្ញុំសូមថ្លែងទីបន្ទាល់អំពីអំណោយដ៏មហិមាដែលជាផែនការរបស់ព្រះវរបិតាសម្រាប់យើង ដោយអស់ពីជម្រៅនៃព្រលឹងរបស់ខ្ញុំ និងដោយរាបសាបំផុត ។ វាគឺជាផ្លូវមួយដ៏ឥតខ្ចោះទៅកាន់ភាពសុខសាន្ដ និងសុភមង្គល ទាំងនៅទីនេះ និងនៅក្នុងបរលោកនាយ » ។