Mau mātēria tauturu ’āpī

’Aita i maoro a’enei, ’ua hōro’ahia mai te mau mātēria tauturu nō te tauturu i te mau melo ’ia ora i te ’evanelia, nō te ha’apūai i tō rātou ’utuāfare ’e nō te fa’atere i te mau hōpoi’a a te ’Ēkālesia.

Te mau ’ā’amu o te Faufa’a Tahito

Tē vai ra i teienei i roto i teie buka hoho’a te mau fa’ahōho’ara’a ’e te mau parau pāpa’i fa’a’āpīhia ’o tē tauturu i te mau ’utuāfare i roto i tā rātou tuatāpapara’a i te fare. ’Ua hau i te 350 fa’ahōho’ara’a ’āpī i roto i te buka tei hi’opo’a-fa’ahou-hia. ’Ua pāpa’i-fa’ahou-hia te tā’āto’ara’a o te mau ā’amu tahito, e iva ’ā’amu tei ’āpitihia mai, ’e ’ua ’īritihia te buka nā roto e 63 reo. ’Ua hāmanihia te mau video ha’uti, ’e te mau video paraparau nā roto e 10 reo nō te ’ā’amu tāta’itahi. Tē vai ra te mau ’ā’amu o te Faufa’a Tahito ’e tōna mau video i ni’a i te natirara scripturesto.ries.ChurchofJesusChrist.org, i roto i te Vaira’a buka ’evanelia ’e te fa’anahora’a ’āfa’ifa’i o te ’Evanelia nā te mau tamari’i, ’e i ni’a ia YouTube. E nehenehe e noa’a te nene’ira’a nā roto atu i te store.ChurchofJesusChrist.org ’aore rā i te mau pū ’ōperera’a buka.

Te mau mahometa ’e te feiā mo’a i te mau mahana hope’a nei : Te mau ti’aturira’a, te mau peu maita’i ’e te huru orara’a

Tē fa’a’ite nei teie buka iti āpī i te mau Mahometa (te feiā pe’e i te fa’aro’o Mahometa) ’e te feiā mo’a i te mau mahana hope’a nei, i te tahi ’e te tahi. Nā Elder David A. Bednar ’e ’o Gerrit W. Gong nō te pupu nō te Tino ’Ahuru Ma Piti ’āpōsetolo i vauvau mātāmua i te reira i roto i te hō’ē ’āmuira’a nō ni’a i te fa’aro’o mahometa i te fare ha’api’ira’a Brigham Young, i te ’āva’e ’Ātopa 2021. E roa’a teie buka iti i roto i te Vairaa Buka ’Evanelia (i ni’a i te ChurchofJesusChrist.org ’e ’aore rā i roto i te fa’anahora’a ’āfa’ifa’i) nā roto i te reo Arapia, Peretāne, Farsi, Farani, Heremani, Rutia, Paniōra, ’e Turekia. I roto i te Vaira’a buka ’evanelia, ’a haere i ni’a i te Mau Buka ’e te mau Ha’api’ira’a ’e i muri iho ’a ’īriti i te mau aura’a o te ’āmui-tahi-ra’a o te mau ha’apa’ora’a ato’a.

Te rāve’a nō te moni ha’api’ira’a

I teienei, tē hōro’a nei te BYU–Pathway nā te ao ato’a nei i te hō’ē rāve’a nō te moni ha’api’ira’a i te mau pīahi ato’a, mai te au i te hina’aro. ’Aita e tītauhia te hō’ē fāito ’ite nō te fāri’i i te moni ha’api’ira’a. Tītau-noa-hia i te mau pīahi PathwayConnect ’ia fa’a’ī i te hō’ē parau ha’amāramaramara’a.

Te ’itera’a i te pūai i roto i te Fatu : Te ’āteura’a pae manava

E roa’a teie ha’api’ira’a nō ni’a i te fa’arava’ira’a iāna iho i roto i te reo alabania, tinito, czech, tanemata, holane, peretāne, farāni, heremani, honeteria, ’ītāria, tāpōnē, korea, pōtītī, rutia ’e paniōra.

Mau parau tauturu nō te pi’ira’a

E tauturu te mau parau tauturu ’āpī nō te pi’ira’a feiā fa’atere, i te feiā fa’atere nō te feiā ’āpī tamāhine ’ia fa’aa’o arata’i i te feiā ’āpī. Nō te ’imi i te mau parau tauturu i roto i te Vaira’a buka ’evanelia, ’a haere i ni’a ia Buka arata’i ’e pi’ira’a, i muri iho, Pi’ira’a nō te pāroita ’e te ’āma’a ’e i muri iho, Feiā ’Āpī Tamāhine. E ’itehia te mau ha’amāramaramara’a hau atu i ni’a ia YoungWomen.ChurchofJesusChrist.org.

Ha’amāramaramara’a hono

Te feiā mo’a i te mau mahana hope’a nei tei tāvini i te hō’ē misiōni mai te matahiti 2000 ra, e nehenehe tā rātou i teienei e fa’a’ite atu i tō rātou ha’amāramaramara’a hono i tō rātou feiā fa’atere misiōni tahito, nā roto i te hō’ē buka nūmera niuniu ’āpī nō te misioni, i roto i te fa’aaura’a rorouira Mauha’a nō te mau melo. Nā roto i te tāpa’ora’a i te i’oa, e fa’ati’a te hō’ē misiōnare tahito i te feiā fa’atere misiōni ’ia hi’o i tōna i’oa ’e tōna ha’amāramaramara’a hono. I muri iho, e nehenehe te feiā fa’atere o te misiōni e fa’a’ohipa i teie mau ha’amāramaramara’a nō te paraparau i te mau misiōnare, ’ei ta’ata hō’ē ’e ’ei pupu.

’Evanelia nā te mau tamari’i

E roa’a teie rēni YouTube i teienei nā roto i te reo peretāne, pōtītī ’e pāniora. Maoti te tuha’a ’āpī nō te Vaira’a buka ’evanelia tei pi’ihia Tamari’i, e ti’a ai i te mau tamari’i ’ia fāna’o i te mau ’ā’amu, te mau videos ’e te mau ’ātivite ’āmui.

Buka arata’i rahi : Te tāvinira’a i roto i Te ’Ēkālesia a Iesu Mesia i te Feiā Mo’a i te mau Mahana Hope’a nei

I teienei, ’ua oti te mau hi’opo’ara’a hope’a nā roto i te reo Peretāne, e nā reira ato’a te tahi atu mau reo i roto i te matahiti 2022.