“Te Tari Michael T. Nelson,” Riaona, Meei 2023.
Te Tari ae Michael T. Nelson
Te Kauoman ni Kauntira n te Beretitentii ni Kabuta n te Bootaki n Ataeinimwaane
Ibukin te Tari ae Michael T. Nelson, ana tai ngke e riki bwa te beretitenti n te mition e kamatoa bwa reireinaia te roro ae rikirake reirei aika eti ao imwiina onimakinaia bwa a na karaoi mwakuri aika a rangi n tamaroa—ibukin te mwakuri ni mitiinare ao inanon maiuia mitinare n tatabemaniia nako.
“Bon ibukin te onimakinaki. Ti reiakinna bwa ti na onimakiniia,” e taku ngke e mwakuri ma mitinare aika a bwanin aia tai i California San Bernardino Mition, n te tabo are a beku iai te utu ae te Nelson are a riki bwa taan kairiiri n te mition man 1998 nakon 2001.
E taku te Tari ae Nelson bwa reiakinaia—ao n anganakiia kairake aia tai ni kairiiri—e teimatoa n riki bwa anuana ae e kakawaki n ana mwakuri n ibubouoki n te Ekaretia ao n reitinako inanon nakoana ae boou n te Beretitentii ni Kabuta n te Bootaki n Ataeinimwaane. Ibukin teniua te ririki n nako, te Tari ae Nelson e a tia ni beku bwa te tia koroboki ni kakoroi mooti nakon te Beretitenti ni Kabuta n te Bootaki n Ataeinimwaane. Ibukin uoua te ririki mai imwaaina, e beku bwa kaain te Kauntira ni Kabuta n Anga Taeka n Reirei ibukin te Bootaki n Ataeinimwaane.
E bungiaki Michael Terry Nelson n Tuun 10, 1956, i Salt Lake City, Utah, USA, irouia Monte Cannon ao Viola Eliza Nelson ao e ikawairake n aonon Salt Lake. Imwiin ana mwakuri ni mitinare i Chile Santiago Mition, e kamatebwai ibukin bootaki n itoman i Brigham Young University ao n te University i Utah. N 1982 e mareaki ma Barbara Fluckiger n te Jordan River Tembora. A maeka te utu ae Nelson i Sandy, Utah, imwaain mwaingiia nako Wallsburg, Utah. Iai ruaman natiia.
Te Tari ae Nelson bon te mataniwi n aobitia ibukin karikirakean te raka ao te aba ao kateitei aika a maekanaki ao te kambwana ni karinmwane. Te utu ae te Nelsons, n ikotaki ma uoman natiia aika a maeka ni mweengaia, a karikirakea mwakoron abaia ae tau ibukin ribanaakin taian nanai ni man ao uanikai. Te marurung ni kakamwakuri ao ni kabanean te tai itinaniku e bon kakawaki ibukiia kairake n te Ekaretia, e taku te Tari ae Nelson, n aron ae riki ibukin ana utu.
E a tia ni beku te Tari Nelson bwa te beretitenti n te titeiki, te kauntira n te beretitentii n te titeiki, te tia koroboki ni kakoroi mooti n te titeiki, bitiobi, ao te beretitenti n te Bootaki n Ataeinimwaane n te uote ao n te titeiki. E a tia n ibuobuoki ibukin te karikirake n te mwane, kawakinan rekooti ibukin araia aomata, ao tia tararua n 1997 ibukin kauringaakin bao ni mwamwananga ae kamwakuraki n te moan kambwana ni kamwananga nako Salt Lake Valley.