Beretitenti Johnson ao Beretitenti Cordon a Kawara Aberika

Beretitenti ni Kabuta n te Bootaki n Aine ao ibukin te Bootaki n Ataeinnaine a nako Aberika mainuku ao nuuka inanon Maati ni kaitibo ma Aika Itiaki ao taan kairiiri n te tautaeka ao ni kawari taabo ni buoka nakoia botanaomata. Te Beretitenti ni Kabuta n te Bootaki n Aine ae Camille N. Johnson ao te Beretitenti ni Kabuta n te Bootaki n Ataeinnaine ae Bonnie H. Cordon a moana mwanangaia ni karaoa aia mwakuri ae ruabong te bong manna i Nairobi, Kenya.

E mwananga Beretitenti Cordon nako Kenya, Uganda, te Democratic Republic of the Congo, ao te Republic of the Congo. “Ti a tia ni marooro ma taan kairiiri n te tautaeka ake iai nanoia ni kan buokiia utu, ao ti rangi ni kukurei ma taan kairiiri ake a tangiria ni kan iriira Iesu Kristo,” e taku Beretitenti Cordon. “Ngkai taan kairiiri ngaira aika ti aanaki n te onimaki, ti tibwaua te kouru ae kabuta bwa ti na katea aroia tenaan utu, ao n riki bwa te bwai ae akea n ai arona.”

E mwananga Beretitenti Johnson nako meangmainukun Uganda ma te UNICEF (man te United Nations International Children’s Emergency Fund, ae ai te United Nations Children’s Fund n te tai aei) ao ni kaitibo ma Aika Itiaki i Lubumbashi, the Democratic Republic of the Congo. “Aio te kekeiaki are e riao tamaroana nakoia kaain ara aro ni kaoti aron kainnano nako—kainnano n aron buoka ibukin te botanaomata—ibukiia ataei n te aonaaba, ao ti kuneiia. E bon rangi ni mimitong,” e taku Beretitenti Johnson ni mwanangana ma kaain te UNICEF. “E karekea te namakin ae kakukurei ao ni kananokawaki n te tai naba anne, ma ngke I kitana ikekei I namakinna bwa iai au kantaninga bwa e na nakoraoi.”