“Unimwaane Robert M. Daines,” Riaona, Meei 2023.
Unimwaane Robert M. Daines
Mataniwi ni Kabuta n te Itingaun
E mwakuri Unimwaane Robert M. Daines bwa te burobeetia ibukin te tua ao bitineti i Stanford University ngke e weteaki bwa e na riki bwa te tia reirei n te tieminari ae boboo n te moaningabong.
Ngkai e maan inanon te Ekaretia, e ataa te euangkerio Unimwaane Daines, ma te wewete nakoina e kaumakia n kamatebwai koroboki aika tabu n aron ae bon tuai kakaraoia mai imwaaina. Kaainnabana, ae Ruth, e taku bwa e momoantai n nako ni matu ao ni uti n te aoa 4:00 n te karangaina ibukina bwa e kainnanoa teniua te aoa ni katauraoi ibukin ana reirei ae katoa bong ma 15 ataein te reirei.
“Tabeman aomata iai aia tarena; tabeman a bon riai ni keiaki mwaaka,” e taku. Ngai I mena n te karinan are ‘Ko na riai ni keiaki mwaaka’”
E taku Unimwaane Daines bwa e kabanea nanona iaon booki aika tabu tabeua te aoa ni katoa bong ibukina e kan ataia ao n namakina ana tangira te Tia Kamaiu imwiina e kan buokiia ataei bwa a na karaoa te aekaki n reitaki naba anne. Te taneiai ae tebwina te rirki manna iai uaana ae moan te korakora iaon ana onimaki ao ana koaua.
“I namakinna ai aron ae I a rairaki ni koaua ao ni karekea ataakin Iesu Kristo ngke I riki bwa te tia reirei n te tieminari i Palo Alto, California,” e taku Unimwaane Daines, are e kamatoaki bwa te Mataniwi ni Kabuta ae te Itingaun ae boou n te maungatabu ni kabuta n Eberi 2023.
E bungiaki Robert Merrill Daines i Bloomington, Indiana, USA, n Turai 28, 1964, irouia Robert Henry Daines III ao Janet Lundgren Daines. E ikawairake i Provo, Utah, ao e mareaki ma Ruta n te Salt Lake Tembora n Ritembwa 1988. Iai natiia aika niiman.
E bane ana reirei Unimwaane Daines mai Brigham Young University imwaain reken ana beeba ae bubura n te tua. E mwakuri bwa raon Goldman Sachs ao imwiina e angareirei i New York University ao i Yale. Inanon 20 te ririki n nako, E mwakuri Unimwaane Daines bwa te mataniwii ao te Pritzker Burobeetia ibukin te Tua ao Bitineti i Stanford University.
E a tia ni beku Unimwaane Daines bwa te mitinare ae bwanin ana tai i Switzerland Zurich Mition. Tabeua riki nakoana n te Ekaretia bon te beretitenti n te titeiki, kauntira ae rietaata, bitiobi, ao te tia kairiiri n te neetiuri. Unimwaane McConkie e beku bwa te beretitenti n te titeiki n te tai are e weteaki iai.