“Unimwaane Alan T. Phillips,” Riaona, Meei 2023.
Unimwaane Alan T. Phillips
Mataniwi ni Kabuta n te Itingaun
Man uarerekena, e namakinna Unimwaane Alan T. Phillips bwa e koaua te Ekaretia, ma e kantaningaia bwa e na karekea riki te kakoaua ae onoti ibukin te Tia Kamaiu imwaain ae nako ni karaoa ana mwakuri ni mitinare ae bwanin taina.
“I aki mamatam, tataro, ao n nako n te buakonikai,” e taku. “I tabe ni ukoukora te kaeka ae bubura.”
Ngkanne, teuana te wiiki ngke a raroanako ana utu ibukini karaoan tibwangaia, bon tii ngai n nako n ira te bootaki n toa.
“I aki ukeuke nako. I bon tii mena ikekei—ni katauraoi ibukin te toa ao n anene ma kaain te taromauri,” e taku. “Temoan tai, ana taeka ao te iango ibukin ‘baina aika a eweraki ao n tiinako raraaia ni kabooi mwiin ara bure’1 irou e rangi ni korakora ao niniia nako nanou. I namakina kakoaua Ibukina nakoiu, tiaki te iango, tiaki te rongorongo ae karioaki. N te tai anne, boni Ngaia, au Tia Kamaiu.”
Imwiina ao e a tataro Unimwanne Phillips, e kaitaua Tamara are i Karawa ao n tuangnga bwa e na kokoaua n tainako ni karokoa tokin maiuna nakon rabakau aika a boou are e kunea are e anganna te Atua.
Anne raoi te tai are e kamatoaki nakoina koauan te Tia Kamaiu. E taku bwa bwaai ni kabane ake inanon ana koaua a rikirake man “aan te kateitei ni koaua” (Ereman 5:12).
E bungiaki Alan Thomas Phillips i Kent, Engiran, n Tuun 1970 ao e ikawairake i Buckinghamshire, Engiran. E mareaki ma Lindsey Iorg n Turai 2005 n te Mesa Arizona Tembora. Iai aman natiia ao bon membwa n te Hyde Park Titeiki i London.
Unimwaane Phillips e reke ana beeba ae te bachelor ao ana master man London School of Economics ao te Political Science. E a tia ni mwakuri ni bootaki ni bitineti aika a kakaokoro, te bootaki ibukin te mwane, ao n te reirei, n raonaki ma aua ana ririki aika a nako n riki bwa te tarekita i Brigham Young University London Centre.
E a tia ni karaoa ana mwakuri ni mitinare Unimwaane Phillips i Engiran Manchester Mition. E a tia ni beku naba bwa te kauntira n te Beretitentii n Aonon Europe North, Itingaun n te Aono, beretitenti n te titeiki, kauntira n te beretitentii n te titeiki, kauntira ae rietaata, ao te kauntira n te bitiobiriki.