“Titita Tamara W. Runia,” Riaona, Meei 2023.
Titita Tamara W. Runia
Te Moan ni Kauntira n te Beretitentii ni Kabuta n te Bootaki n Ataeinaine
Inanon maiuna ae bwanin, Titita Tamara (Tammy) W. E mwaiti rinanin nako nakoan Runia ake e karekei—te tia reirei n booki aika tabu n te titeiki, te kauntira n te Moan Beretitentii ni Kabuta n te Bootaki n Aine, te tia kairiiri ngaia ma buuna ibukin te Mition i Sydney Australia—ma e bane angiin ana tai n te mwakuri ni ibuobuoki n te Bootaki n Ataeinnaine.
“I tangiri ni kabane nakoau ake I tia ni mwakuri inanona,” e taku Titita Runia, are e a tia ni beku naba bwa te beretitenti n te titeiki ibukin te Bootaki n Ataeinnaine. Ma, e reitia, “I kan taekinna bwa I namakinna bwa kanga I mena ni mweengau ngkai ngai ma Ataeinnaine.”
E taku Titita Runia bwa e a tia n iriira ana kaembwa te Bootaki n Ataeinnaine ae riaon 20 te tai. N te ririki teuana e mwiokoaki bwa e na iri ao n riki bwa te mataniwi ni kaungaunga n tain te kaembwa.
E tangiriia ataeinnaine ni kabane bwa a na ataa mwaitin ana tangira Tamara are i Karawa ibukiia. E taku bwa te tangira anne e “rababa n ai aron karawa, e nano n ai aron marawa,”. E reitia man taku, Tamara are i Karawa, “e tangiriia bwa a na bane n oki nakon mweengana.”
E taku bwa namakinan te reitaki anne e na bitii maiuia ataeinnaine “ibukina bwa e a tia naba n riki nakoiu.”
E bungiaki Titita Runia ni Maati 2, 1961, i Concord, California, USA, irouia Vincent Alma Wood ao Gail Hilton Wood. E ikawairake i Walnut Creek, California.
Ai bon tibwa ana moan ririki i Brigham Young University ngke e kamatebwai ibukin te kareke rongorongo ngke e kaitibo ma R. Scott Runia. A mareaki ni Meei 1981 n te Oakland California Tembora. Iai natiia aika itiman ao a maeka ngkai i Provo, Utah.
E kamatoaki Titita Runia n te maungatabu ni kabuta n Eberi bwa te Moan Kauntira n te Beretitentii ni Kabuta ae boou n te Bootaki n Ataeinnaine. E na moana ana mwakuri n ibuobuoki n Aokati 1.
N raonaki ma ana mwakuri n ibuobuoki n te Ekaretia, e a tia ni kabanea 20 te ririki n te baba n tararua ibukin te Food and Care Coalition i Provo, are e katauraoi buoka ibukiia aomata ake akea mweengaia ao e karako aia karekemwane.