“Unimwaane J. Kimo Esplin,” Riaona, Meei 2023.
Unimwaane J. Kimo Esplin
Mataniwi ni Kabuta ae te Itingaun
Tabeua te namwakaina imwiin ana mition, e karina ni kurati n te kaa tamana are e bua iai maiuna. Tabeua te namwakaina imwiina, ngke e tekateka tinana irarikina, e kuratinaki ana kaa mai bukina. E rabinobino te kaa, ao e a mate tinana ma ai natina.
Man kabuanibwai ae kamamate ao te nanokawaki are e rinanona, e taku Unimwaane Esplin bwa e kakabwaiaaki. E anga namakin akanne nakon te Uea ao Raoiroina ao ana nanoanga.
“Te maiu e bon rangi n tamaroa,” e taku.
Teuana te taeka ae mamate nanona iai bon “E aki karaoia nakoim te Uea, E karaoia ibukim.”
Te bwai are e riki imwiin mateia ana karo, mwaanena are te ikawa e katauraoi bwaai ibukina ao ni kanakoa bwa e na reirei i Brigham Young University Jerusalem Center. Ikanne, e a kaitibo ma Kaye Davis.
A riki bwa raao naaka uoman aikai ngke a nako aia kurubu ni kaembwa n te rereua ae Sinai, a mwakuri n te tawaana ni bwanana, ao a kaai ni kamatebwaia te O Tetemanti ao te Nu Tetemanti.
Imwaain okiia nako Provo, Utah, a moanna ni kareke tangira. A mareaki n te Salt Lake Tembora n Ritembwa 1985. Iai waniman natiia.
E bungiaki Ross Kimo Esplin n Aokati 18, 1962, i Kahuku, Hawaii, USA. Bon ngaia te kabanea ni uarereke n ataei—ao bon tii te riki te mwaane—irouia Ross S. ao Olive Ora Moody ibuakoia waaniman ataei.
E reke ana beeba ae bubura Unimwaane Esplin n te accounting mai Brigham Young University n 1987. Imwiin mwaingiia ana utu nako Chicago, Illinois, e moana ana mwakuri n te karinimwane n te bangke ao e reke ana master n te business administration.
Ngke e riki Unimwaane Esplin bwa te kauoman ni beretitenti ni kakoroi mooti ao te tiibi aobitia ibukin te mwane ibukin Huntsman Corporation, a manga mwaing tabeua te tai nako Belgium imwaain maekaia raoi i Cottonwood Heights, Utah.
Unimwaane Esplin, are ngaia kaain te Itingaun n Aono n te tai are e karaoa nakoana ae te Mataniwi ni Kabuta n te Aono, e beku bwa te beretitenti n te mition i Japan Tokyo ao Japan Tokyo South Mition. Ngke te kairake ni mitinare ae bwanin ana tai, e beku n te Japan Kobe Mition. E a tia naba ni beku bwa te beretitenti n te titeiki, kauntira ae rietaata, ao te bitiobi.