Taan Anene man Aba tabeua a Ikotaki ma te Tabaenako Kuaea ibukin te Maungatabu
Ai tibwa te moan tai, ae naake a iri ake a maeka itinanikun te United States a ikotaki ma te Tabaenako Kuaea n te maungatabu ni kabuta ae nako.
E a tia te kuaea ni karababa nako ana mition ni karokoa irouia aomata ni kabuta te aonaaba, e taku te beretitenti n te kuaea ae Michael O. Leavitt, are e kabwarabwara bwa bon te moan kakatai n te burokuraem ae karaoaki n rikiraken te kuaea. “Ti reitinako ni waakinna n tii te kawai ae ti ataia , are bon te mwaneka rake nakon are iaona riki—n reiakinaki, ni kanakoraoaki, ao ni butiia te Uea ibukin ana kairiiri aika a mwaiti,” e taku. “Ma mwaneka n tatabeua nako, e a mataata n te tai aei bwa e bon kona n riki aei.”
Ibukin matoan tain te tai n rei ibukin te anene, a kantaningaaki kaain te kuaea bwa a namaeka 100 te maire (160 te kiromita) raroana man te Tabaenako i Salt Lake City. Ma e ngae n anne, e taku te Tari Leavitt bwa te burokuraem ni kakatai aei e kauki mataroa ibukiia tabeman ake a rianako aia konabwai iaon te katangitang ao ni kabaeaki naba tii inanon te tai ae uarereke.
N raonaki ma nakoraoin bwanaia, taan ira te waaki man aaba tabeua a kantaningaaki bwa a kaota rabakauia iaon te waaki ni katangitangi ao te Taetae n Imatang n tain waakin te rinerine.
Naake a rineaki bwa a na anene ma te kuaea a roko man aaba aika onoua:
-
Alvaro Jorge Martins mai Natal, Brazil, te beeti
-
Rodrigo Domaredzky mai Curitiba, Brazil, te beeti
-
Thalita De Carvalho mai Sao Paulo, Brazil, te kauoman tiaburano
-
Tubo-Oreriba Joseph Elisha mai Accra, Ghana, te tia tena
-
Jonathan How mai Kuala Lumpur, Malaysia, kauoman tia tena
-
Denisse Elorza Avalos mai Tijuana, Mexico, te kauoman n tiaburano
-
Georgina Montemayor Wong mai Monterrey, Mexico, te kauoman n tiaburano
-
Ronald Baa mai Cagayan de Oro, Biribin, te tia tena
-
Sundae Mae Indino mai Cagayan de Oro, Biribin, te moan tiaburano
-
Pei-Shan Chung (Kylie Zhong) mai Taipei, Taiwan, te moan aretoo
Naake a roko man te aba a kaaina te kuaea ao ni iriira te rei n te anene, a ira ana kuaea te reirei, a kawari tabeua ana tabo te Ekaretia aika a kakamataku, ao n neweabaa te church’s Welfare Square, Tembora Tikuea, ana Auti ni Kaikobwai te Bitiobi.
Ni kainan te maungatabu ni kabuta, kaain te kuaea mai Utah a anenea “God Be with You Till We Meet Again” nakoia ake a roko bwa te kabanea ni kaboo.
Te bitiobi n Tararua ae Gérald Caussé e kaota ana tangira ao ana kakaitau ibukiia naake a roko n ira te waaki. Au kantaninga bwa ngkana kam oki nako abami, kam na anga ami kakoaua n te bwai ae kam rinanona aei ao kam na karikirakea te roro ae boou ibukiia taan anene n taabo nako—ni kabuta te aonaaba,” e taku.
Te uoua ni wiiki n taneiai aei e buokiia taan ira te iwawaki ni karekea aia namakin ae korakora iaon te reitaki ao te katiteuanaaki ma te komiuniti n te Ekaretia. “Ti kabanea te tai ae mwaiti ma ana bootaki n tararua te Ekaretia ibukin Katangitang. Inanon Kaitiboora mangaiia, I bon namakinna raoi bwa n aia kantaninga taan kairiiri n te Ekaretia ibukiia Aika Itiaki ni kabuta te aonaaba a na reke aia taneiai n te maiu n tamnei rinanon te katangitang,” e taku Shan Chung.