“Unimwaane Ahmad S. Corbit,” Riaona, Meei 2023.
Wewete aika Boou
Unimwaane Ahmad S. Corbitt
Mataniwi ni Kabuta n te Itingaun
E taku Unimwaane Ahmad S. Corbitt bwa te mwakuri n ibuobuoki ni kabuta te aonaaba ngkai te kauntira n te beretitentii ni kabuta n te Bootaki n Ataeinimwaane e buokia ni karokoa n nakoana ae boou “te konabwai ae moan te korakora n ongora nakon ana kairiiri ao ana kaetieti te burabeti ao abotoro ma rikiraken te ibuobuoki ao te onimaki.”
Ni weteana ngke e beku n te Beretitentii ni Kabuta n te Bootaki n Ataeinimwaane n Eberi 2020, e a tia Unimwaane Corbitt ni kabanea teniua te ririki n taai aika a nako ni mwakuri ma tabeman riki taan kairiiri ni kakorakoraia te roro ae rikirake ao ni kaoiia bwa a na rangi ni kakaonimaki ni karaoan te mwakuri ni kamaiu ao te karietataaki.
“Akea iangoana ae au namakin n inaomatau ni kakorakora te roro ae rikirake e na kona ni bua,” e taku. “A na bon riki bwa taan kairiiri aika a tamaroa riki nakoira ibukina bwa a ikawairake inanon karaoan te tibwanga ibukin te mwakuri ni kamaiu ao te karietataaki ni kawai aika a rietaata man tabu.”
Ahmad S. Corbitt, 60, e bungiaki n Aokati 16 n 1962, nakoia James Earl Corbitt ao Amelia Corbitt, i Philadelphia, Pennsylvania, USA. N ana ka 18 ni koronririki, e kaaina te Ekaretia Ahmad, n rimwiaki iroun tinana ao tabeman tarina ma mwaanena n te ran ni bwabetito. Tamana ae te kauaei e bwabetitoaki n te ririki are imwiina.
Imwiin reireina i Ricks (n te tai aei ai Brigham Young University–Idaho) ao ni beku i Puerto Rico San Juan Mition man 1982 nakon 1984, e kaitibo ma Jayne Joslin n tain mwanangaia kairake n ikawai aika tuai ni iein nakon te tembora . A mareaki te taanga aei n Aokati n 1985 n te Washington D.C. Tembora. Bon kaaro ao iai natiia aika onoman.
E reke ana beeba ae bubura Unimwaane Corbitt man te reirei ae aranaki ngkai bwa Stockton University i New Jersey ao Rutgers University n te Reirei ibukin te Tua. E a tia ni beku bwa te beretitenti n te Dominican Republic Santo Domingo East Mition, te beretitenti n te titeiki, te kauntira n te beretitentii n titeiki aika uoua, ao te kauntira ae rietaata.
E a tia ni mwakuri Unimwaane Corbit bwa te rooia, ibukin te botanaomata ao te tautaeka, e riki bwa te tarekita n Aobitin te Ekaretia i New York ibukin te Botanaomata ao Kaain te aba.