Maikling Aralin: Welcome sa Nursery

Mga Aktibidad sa Pag-Aaral

Welcome

Kapag dumalo sa klase ng nursery ang isang bata sa unang pagkakataon, pumili ng oras na nagkakatipon ang mga bata (tulad sa oras ng aralin, meryenda, pagkanta), at sabihin sa mga bata ang pangalan ng batang baguhan. Sabihin sa batang baguhan na natutuwa kayo na narito siya sa klase ng nursery.

Awit

Sabihin sa mga bata na kakanta kayo ng isang espesyal na awit. Kantahin o bigkasin ang mga titik sa “Awiting Kumusta Ka” (Aklat ng mga Awit Pambata, 130) at ipasambit sa mga bata ang “kumusta ka” kapag itinuro ninyo sila habang kumakanta. Maaari ninyong praktisin ito nang ilang beses bago ninyo kantahin.

Kumusta ka! (ituro ang mga bata: “Kumusta ka!”) Kumusta ka! (ituro ang mga bata: “Kumusta ka!”)

Ang aming pagbati sa ‘yo. (ituro ang mga bata: “Kumusta ka!”)

Kumusta ka! (ituro ang mga bata: “Kumusta ka!”) Kumusta ka! (ituro ang mga bata: “Kumusta ka!”)

Mabuti’t nandito

Nang makapiling sa Primary

At nang maging kaibigan at kasama.

Kumusta ka! (ituro ang mga bata: “Kumusta ka!”) Kumusta ka! (ituro ang mga bata: “Kumusta ka!”)

Halina’t magsaya.

Katapusan

Sabihin sa batang baguhan, “[Pangalan ng bata], napakasaya namin dahil narito ka sa klase namin sa nursery!”

Mga Tip sa Pagtuturo

Maaaring sabik o takot ang isang bata sa una niyang pagdalo sa nursery. Kapag nagpakita kayo ng pagmamahal at pasensya, marami kayong magagawa para masiyahan ang bata sa unang pagdalo sa nursery. Mas panatag ang mga bata kapag alam nila ang aasahan dito. Hanggang maaari, sikaping sundin ang regular na gawain sa nursery. Bigyan ng panahon ang mga bata na makilala kayo, ang iba pang mga bata, at ang kapaligiran.

Kung gustong umalis ng bata para makasama ang kanyang mga magulang, ipaalam sa mga magulang na OK lang ito. Magpabanggit sa mga magulang ng magagandang bagay tungkol sa nursery sa linggong iyon.