21
Vor Guð hefur spámönnum gefið sitt mál
Tignarlega
1. Vor Guð hefur spámönnum gefið sitt mál,
sem grundvallar trúna í mannlegri sál.
Hann fagnaðarboðskap, sem fegurstur er,
þeim flutti sem Jesús, þeim flutti sem Jesús,
þeim flutti sem Jesús er leiðtogi hér.
2. Í sérhverri stöðu, í sæld og í þraut,
í sjúkdómi’ og fátækt, á auðsældarbraut.
Í fjarlægð og heima, já, hvar sem þú ferð,
mun hjálp hans þér verða, mun hjálp hans þér verða,
mun hjálp hans þér verða til farsældar gjörð.
3. Ei hræðstu, ég Guð þinn mun gefa þér mátt,
á göngunnar leið, sem þú fyrir þér átt.
Þó reynist í heiminum vegferðin vönd,
þig verndar og leiðir, þig verndar og leiðir,
þig verndar og leiðir mín almáttug hönd.
Texti: Eignaður Robert Keen, ca. 1787
Lag: Ókunnur höfundur, ca. 1889
Íslensk þýðing: MarÍus Ólafsson, 1923